Fatwa Online Durood-e-Minhaj
Home Latest Questions Most Visited Ask Scholar
   
فتویٰ آن لائن - کیا زانیہ سے نکاح‌ جائز ہے؟

کیا زانیہ سے نکاح‌ جائز ہے؟

موضوع: نکاح   |  محرمات نکاح   |  طلاق

سوال پوچھنے والے کا نام: ریحان احمد       مقام: کلکتہ

سوال نمبر 3420:
کیا زانیہ، جس نے کسی غیرمسلم سے زنا کیا ہو اس سے نکاح جائز ہے؟ اس کے زنا کا علم ہونے پر کیا اسے طلاق دینا لازم ہے؟

جواب:

زانیہ سے نکاح جائز ہے، خواہ اس نے زنا کسی مسلم سے کیا ہو یا غیر مسلم سے۔ اگر کوئی شخص اس کے ساتھ نکاح کرنا چاہے تو کر سکتا ہے شرعاً ممانعت نہیں ہے۔

خوشگوار ازداجی زندگی کے لیے نکاح سے پہلے لڑکے اور لڑکی کے کردار کی اچھی طرح چھان پھٹک کر لینی چاہیے تاکہ بعد میں علیحدگی کی نوبت نہ آنے پائے۔ اگر شادی کے بعد لڑکے یا لڑکی میں عیب کا علم ہو جائے تو بھی طلاق دینا یا علیحدگی اختیار کرنا لازم نہیں ہے۔ اگر فریقین ایک دوسرے کو معاف کر کے بہتر زندگی گزارنا چاہیں تو شرعاً رکاوٹ نہیں ہے۔ لیکن اگر وہ اکٹھے نہ رہ سکتے ہوں تو علیحدگی اختیار کرنا بھی ان کی مرضی پر موقوف ہے۔ بہرحال طلاق دینا لازم نہیں ہے۔

واللہ و رسولہ اعلم بالصواب۔

مفتی: عبدالقیوم ہزاروی

تاریخ اشاعت: 2015-01-17


Your Comments