رویت ہلال کمیٹی اور اس کے چئیرمین کی شرعی حیثیت کیا ہے؟

سوال نمبر:3325

السلام علیکم! رویتِ ہلال کے حوالے سے میرے تین سوالالت ہیں، براہِ کرم تینوں کا الگ الگ جواب عنائت فرمائیں۔

  1. پاکستان کی مرکزی رویت ہلال کمیٹی اور اس کے چئیرمین کی شرعی حیثیت کیا ہے؟
  2. مرکزی کمیٹی کے مقابلے میں خیبر پختونخواہ میں پائی جانے والی پرائیویٹ کمیٹیوں کی کیا حیثیت ہے؟
  3. مرکزی کمیٹی کے مقابلے میں ذیلی کمیٹی کے اعلان عید وروزہ پر عمل کی شرعی حیثیت کیا ہے؟

    بینواتوجروا

  • سائل: محمد فہیم جانمقام: نوشہرہ،پاکستان
  • تاریخ اشاعت: 31 اکتوبر 2014ء

زمرہ: روئیت ہلال

جواب:

آپ کے سوالات کے جوابات بالترتیب درج ذیل ہیں:

  1. پاکستان کی مرکزی رویتِ ہلال کمیٹی کا قیام ایک بہت اچھا قدم ہے، جس میں ہر مکتبہ فکر سے تعلق رکھنے والے علماء موجود ہیں۔ یہ کمیٹی پورے ملک سے شہادتیں جمع کرتی ہے جس کے بعد چاند کے نظر آنے یا نہ آنے کا اعلان کیا جاتا ہے۔ شرعی طور پر بھی یہی طریقہ پسندیدہ ہے۔ اس سے لوگوں کو سہولت میسر آتی ہے اور انتشار سے بچا جاسکتا ہے۔
  2. مرکزی کمیٹی کے مقابلے میں پرائیویٹ کمیٹیوں کی کوئی حیثیت نہیں، یہ انتشار اور پریشانی کا باعث بنتی ہیں۔ اور لوگوں کو انتشار سے بچانا شریعت کا تقاضا ہے۔
  3. اسی طرح مرکزی کمیٹی کے مقابلے میں پرائیویٹ کمیٹیوں کا اعلان کوئی حیثیت نہیں رکھتا۔مرکزی رویتِ ہلال کمیٹی کے اعلان پر عمل کیا جائے گا۔

واللہ و رسولہ اعلم بالصواب۔

مفتی: عبدالقیوم ہزاروی

اہم سوالات
  • بٹ کوئن کی ٹریڈنگ کا کیا حکم ہے؟
  • قطع تعلقی کرنے والے رشتے داروں سے صلہ رحمی کا کیا حکم ہے؟
  • مزارات پر پھول چڑھانے اور چراغاں کرنے کا کیا حکم ہے؟