Fatwa Online Durood-e-Minhaj
Home Latest Questions Most Visited Ask Scholar
   
فتویٰ آن لائن - اسلام میں نکاح کے لیے عمر کی کیا شرائط ہیں؟

اسلام میں نکاح کے لیے عمر کی کیا شرائط ہیں؟

موضوع: نکاح   |  فرضیت نکاح   |  شرائط نکاح

سوال پوچھنے والے کا نام: سراج الدین       مقام: انڈیا

سوال نمبر 1303:
السلام علیکم اسلام میں نکاح کے لیے عمر کی کیا شرائط ہیں؟ اور اگر مذاہب میں‌ عمر کے حوالے سے شرائط ہیں تو کیا شادی مذاہب کے مطابق کی جائے گی یا دنیا کے قانون کے مطابق نکاح کیا جائے گا؟ اور اگر ہم دنیا کے قانون کے مطابق نکاح کرتے ہیں تو کیا ہم مسلمان رہتے ہیں یا نہیں؟ کیا قاضی لڑکی یا لڑکے کی عمر دنیا کے قانون سے لکھنا چاہیے تو یہ صحیح ہے یا نہیں؟

جواب:

اسلام میں نکاح کے لیے بلوغت کی شرط رکھی گئی ہے۔ بچے کو جب احتلام ہو یا بچی کو جب حیض کا خون آنا شروع ہو جائے تو وہ بلوغت کی نشانی ہے۔ عمر کے لحاظ سے بچہ 18 اور بچی 16 سال کی بنتی ہے، اور یہی ملکی فیملی لاء بھی ہے۔ اصل چیز لڑکے یا لڑکی کا عاقل اور بالغ ہونا ہے، اور اس کی علامات جو احادیث سے ثابت ہیں، بتا دی گئی ہیں۔ قاضی اسی طرح لکھے گا جس طرح ملکی قوانین میں کم سے کم عمر لڑکے کی 18 اور لڑکی کی 16 سال ہے۔

واللہ و رسولہ اعلم بالصواب۔

مفتی: عبدالقیوم ہزاروی

تاریخ اشاعت: 2011-12-23


Your Comments