Fatwa Online Durood-e-Minhaj
Home Latest Questions Most Visited Ask Scholar
   
فتویٰ آن لائن - بیوی کے اصرار پر طلاق دینے سے کونسی طلاق واقع ہوتی ہے؟

بیوی کے اصرار پر طلاق دینے سے کونسی طلاق واقع ہوتی ہے؟

موضوع: طلاق   |  طلاق رجعی

سوال پوچھنے والے کا نام: احمد علی       مقام: فیصل آباد، پاکستان

سوال نمبر 1178:

ایک شخص کا بیوی سے جھگڑا ہوا‘ وہ پریشان تھا کہ بیوی نے کہا تم میرے ساتھ ہر وقت جھگڑا کرتے ہو اس سے بہتر ہے کہ تم مجھے طلاق دے دو۔ اس نے غصہ میں آ کر کہا اگر تم طلاق چاہتی ہو تو میں تمہیں طلاق دیتا ہوں۔ اس صورت میں کونسی طلاق واقع ہوئی؟

جواب:

صورت مسؤلہ میں خاوند نے ایک طلاق رجعی دی ہے جو واقع ہو گئی ہے۔ میاں بیوی چاہیں تو عدت کے اندر اندر صلح و صفائی کر کے رجوع کر سکتے ہیں۔ وقت گزرنے کے بعد اگر صلح کرنا چاہیں گے تو ممکن نہ ہو گی۔ ہاں دوبارہ باہمی رضا مندی سے نکاح کر سکیں گے۔

قرآن کریم میں ہے :

الطَّلاَقُ مَرَّتَانِ فَإِمْسَاكٌ بِمَعْرُوفٍ أَوْ تَسْرِيحٌ بِإِحْسَانٍ.

(البقرة‘ 2: 229)

طلاق (صرف) دو بار (تک) ہے، پھر یا تو (بیوی کو) اچھے طریقے سے (زوجیت میں) روک لینا ہے یا بھلائی کے ساتھ چھوڑ دینا ہے۔

ایک اور مقام پر ارشاد فرمایا :

فَإِن طَلَّقَهَا فَلاَ تَحِلُّ لَهُ مِن بَعْدُ حَتَّى تَنكِحَ زَوْجًا غَيْرَهُ.

(البقرة‘ 2 : 230)

 پھر اگر اس نے (تیسری مرتبہ) طلاق دے دی تو اس کے بعد وہ اس کے لئے حلال نہ ہوگی یہاں تک کہ وہ کسی اور شوہر کے ساتھ نکاح کر لے۔

آئندہ احتیاط کرے۔ اگر دوبارہ زندگی میں پھر طلاق دے دی تو عورت بلا حلالہ جائز نہ ہو سکے گی۔

واللہ و رسولہ اعلم بالصواب۔

مفتی: عبدالقیوم ہزاروی

تاریخ اشاعت: 2011-08-15


Your Comments