کیا ایک سنی ایک شیعہ امام کے پیچھے باجماعت نماز ادا کر سکتا ہے؟

سوال نمبر:1127
کیا ایک سنی ایک شیعہ امام کے پیچھے اپنی واجب نماز باجماعت ادا کر سکتا ہے؟ مہربانی کر کے میری مشکل حل فرما دیجیئے، میں آپکا بہت شکر گزار ہوں گا۔

  • سائل: حسن شاہمقام: جرمنی
  • تاریخ اشاعت: 13 جولائی 2011ء

زمرہ: نماز  |  عبادات  |  امامت   |  شرائط امامت

جواب:

کوئی بھی شخص اگر امہات المومنین، صحابہ کرام، اولیاء کرام یا انبیاء علیہم السلام کا گستاخ ہو تو اس کے پیچھے نماز نہیں ہوتی، لیکن یہ ضروری ہے کہ یہ ثابت ہو کہ وہ گستاخی کرتا ہے، صرف کسی سے سننے سے اس شخص کو گستاخ نہ کہا جائے۔ بلکہ خود اس شخص کو گستاخی کرتے ہوئے سنا ہو یا اس کی گستاخی پر مبنی کوئی تحریر پڑھی ہو تو پھر بہتر ہے کہ اکیلا نماز پڑھے۔ اگر کوئی اور ساتھی صحیح العقیدہ مل جائے تو دو آدمی بھی با جماعت نماز پڑھ سکتے ہیں۔

واللہ و رسولہ اعلم بالصواب۔

مفتی: صاحبزادہ بدر عالم جان

اہم سوالات
  • بٹ کوئن کی ٹریڈنگ کا کیا حکم ہے؟
  • کاروباری شراکت کے اسلامی اصول کیا ہیں؟
  • وطن سے محبت کی شرعی حیثیت کیا ہے؟