Fatwa Online Durood-e-Minhaj
Home Latest Questions Most Visited Ask Scholar
   
فتویٰ آن لائن - خواب میں سورج مغرب سے طلوع ہوتے دیکھنے کی کیا تعبیر ہے؟

خواب میں سورج مغرب سے طلوع ہوتے دیکھنے کی کیا تعبیر ہے؟

موضوع: مسافر کی نماز   |  خواب اور بشارات

سوال پوچھنے والے کا نام: ایاز محبوب       مقام: ابوظہبی

سوال نمبر 5205:
السلام و علیکم! مفتی صاحب میرے دو سوال ہیں۔ 1 مسافر مقتدی مسافر امام کے پیچھے نماز عصر 4 رکعات ادا کرے گا یا دو؟ 2۔ خواب میں سورج مغرب سے طلوع ہوتے دیکھنے کی کیا تعبیر ہے؟

جواب:

آپ کے سوالات کے جوابات بالترتیب درج ذیل ہیں:

  1. اگر امام اور مقتدی دونوں مسافر ہیں تو نمازِ عصر کی صرف دو رکعات ادا کی جائیں گی۔ اگر امام مقیم اور مقتدی مسافر ہے تو مسافر اپنے امام کی اقتداء میں چار رکعت ہی ادا کرے گا، اور اگر امام مسافر ہے اور مقتدی مقیم ہے تو امام دو رکعات ادا کرے گا جبکہ مقتدی اپنی بقیہ نماز مکمل کرے گا۔
  2. شیخ عبدالغنی ابن اسماعیل نابلسی رحمۃ اللہ علیہ اپنی کتاب تعطیر الانام فی تعبیر المنام میں لکھتے ہیں:

اگر کسی نے خواب میں دیکھا کہ سورج مغرب سے طلوع ہو رہا ہے تو یہ شخص لوگوں میں رسوا ہوگا‘ اس کسی کے پاس اس کا راز ہے تو فاش ہو جائے گا اور پوشیدہ امور بھی کھل کر لوگوں کے سامنے آ جائیں گے۔

واللہ و رسولہ اعلم بالصواب۔

مفتی: محمد شبیر قادری

تاریخ اشاعت: 2019-04-16


Your Comments