کیا پاؤں پر مٹی لگنے وضو ٹوٹ جاتا ہے؟

سوال نمبر:4677
مفتی صاحب! وضو کے بعد اگر گیلے پاؤں جوتے رکھنے والی جگہ پر رکھ دیئے جائیں اور ان پر مٹی لگ جائے تو کیا ناپاک ہوں گے اور دھوئے بغیر نماز پڑھ لیں تو اس کا کیا حکم ہے؟ (عموماً یہ صورتحال ان مساجد میں پیش آتی ہے جہاں وضو خانے کے قریب مسجد کا دروازہ ہوتا ہے)۔

  • سائل: محمد ارشدمقام: اٹک
  • تاریخ اشاعت: 16 فروری 2018ء

زمرہ: وضوء

جواب:

پاؤں کو مٹی لگنا نواقضِ وضو میں‌ سے نہیں‌ ہے‘ اس سے وضو پر کوئی اثر نہیں‌ پڑتا جب تک یقین نہ ہو جائے کہ کوئی گندگی جسم پر لگ گئی ہے۔ اگر کوئی نجاست یا گندگی پاؤں سے لگ جائے تو صرف پاؤں دھو کر نماز ادا کر سکتے ہیں دوبارہ وضو کرنے کی ضرورت نہیں۔ اگر صرف مٹی پاؤں سے لگی ہے تو کوشش کریں‌ کہ مسجد کی طہارت اور صفائی کو ملحوظ رکھتے ہوئے پاؤں دھو لیں۔

واللہ و رسولہ اعلم بالصواب۔

مفتی: محمد شبیر قادری

اہم سوالات
  • بٹ کوئن کی ٹریڈنگ کا کیا حکم ہے؟
  • قطع تعلقی کرنے والے رشتے داروں سے صلہ رحمی کا کیا حکم ہے؟
  • مزارات پر پھول چڑھانے اور چراغاں کرنے کا کیا حکم ہے؟