آن لائن اشتہارات سے حاصل ہونے والی آمدنی کا کیا حکم ہے؟

سوال نمبر:4106
السلام علیکم مفتی صاحب! آن لائن اشتہارات سے حاصل ہونے والی آمدنی کا کیا حکم ہے؟ اور خوابوں کی تعبیرات کے لیے کسی کتاب کی طرف راہنمائی کر دیں۔ شکریہ

  • سائل: امینہ چوہدریمقام: فرانس
  • تاریخ اشاعت: 19 جنوری 2017ء

زمرہ: جدید فقہی مسائل  |  خواب اور بشارات

جواب:

اشتہارات سے ہونے والی آمدن کی حلت و حرمت کا انحصار اس بات پر ہے کہ اشتہار کس شے کا ہے؟ جس شے کی تشہیر کی جا رہی ہے حلت و حرمت کے حوالے سے اس کی اپنی حیثیت کیا ہے؟ اگر اشتہارات ایسی مصنوعات کے ہیں جن کا استعال اسلام میں جائز ہے تو اس سے ہونے والی آمدن بھی جائز اور حلال ہے، اور اگر اشتہارات ممنوعہ اشیاء کے ہیں جیسے: شراب، سور کا گوشت یا فحش فلمیں وغیرہ یا پھر فحش و بیہودہ اشتہارات ہیں تو ان سے حاصل کی جانے والی آمدن بھی جائز نہیں۔

خوابوں کی تعبیر کی مقبولِ عام معتبر کتاب امام ابنِ سیرین رحمۃ اللہ علیہ کی ’تعبیر الرویاء‘ ہے جو کسی بھی بک سٹور سے بآسانی مل سکتی ہے۔ اس کے علاوہ انٹرنیٹ پر بھی پی ڈی ایف کی صورت میں میسر ہے، آپ اسے ڈاؤنلوڈ کر کے مطالعہ کرسکتے ہیں۔

واللہ و رسولہ اعلم بالصواب۔

مفتی: محمد شبیر قادری

اہم سوالات
  • بٹ کوئن کی ٹریڈنگ کا کیا حکم ہے؟
  • قطع تعلقی کرنے والے رشتے داروں سے صلہ رحمی کا کیا حکم ہے؟
  • مزارات پر پھول چڑھانے اور چراغاں کرنے کا کیا حکم ہے؟