کیا ڈبل سٹوری مکان، کالی پگڑی اور بچے کے پنگھوڑے کا استعمال جائز ہے؟

سوال نمبر:3242
ہمارے خاندان میں ڈبل سٹوری مکان، کالی پگڑی اور بچے کے لیے پنگھوڑا استعمال کرنے کو اچھا نہیں سمجھا جاتا۔ بہت عرصہ پہلے کسی بزرگ نے ان کے استعمال سے منع کیا تھا۔ اب میں اس روایت کو توڑنا چاہتا ہوں۔ کیا اس میں کوئی قباحت ہے؟

  • سائل: مدثر شبیر عثمانیمقام: جہلم
  • تاریخ اشاعت: 30 مئی 2014ء

زمرہ: معاشرت

جواب:

جو کام اللہ اور اس کے رسول صلی اللہ علیہ وآلہ وسلم نے منع نہیں کیا، آپ کے خاندان والوں نے اپنے اوپر کیوں منع کر لیا؟ سیاہ امامہ تو حضور صلی اللہ علیہ وآلہ وسلم کی سنت ہے، حیرت ہے اُس بزرگ نے اس سے کیوں منع کر دیا؟ آج کل زمین کی کمی اور مہنگائی کی وجہ سے ڈبل سٹوری مکان نہیں بنائیں گے، تو کہاں جائیں گے؟ گھر میں کوئی اور نہیں ہے تو ماں اپنے بچے کو پنگھوڑے میں ہی رکھے گی۔

آپ قرآن و حدیث کے منع کیے ہوئے کو اپنے اوپر حرام کریں۔ باقی جو بھی استعمال کریں، اس میں کوئی ممانعت نہیں ہے۔

واللہ و رسولہ اعلم بالصواب۔

مفتی: عبدالقیوم ہزاروی

اہم سوالات
  • بٹ کوئن کی ٹریڈنگ کا کیا حکم ہے؟
  • قطع تعلقی کرنے والے رشتے داروں سے صلہ رحمی کا کیا حکم ہے؟
  • مزارات پر پھول چڑھانے اور چراغاں کرنے کا کیا حکم ہے؟