Fatwa Online Durood-e-Minhaj
Home Latest Questions Most Visited Ask Scholar
   
فتویٰ آن لائن - کیا سودی رقم ضرورت مند مسلمان سیدہ کو دی جا سکتی ہے؟

کیا سودی رقم ضرورت مند مسلمان سیدہ کو دی جا سکتی ہے؟

موضوع: سود

سوال پوچھنے والے کا نام: سید توصیف       مقام: انڈیا

سوال نمبر 2658:
السلام علیکم میرا سوال یہ ہے کہ میرے پاس کچھ سودی رقم بینک میں جمع ہے۔ جو رقم میں‌ نے بینک میں‌ جمع کروائی تھی سیونگ اکاؤنٹ میں‌ اسے وہ جمع ہوا ہے۔ کیا میں وہ سود جمع کیا ہوا کسی ضرورت مند سیدہ مسلمان کو دے سکتا ہوں۔ میں‌ انڈیا سے ہوں اور وہ غیر مسلم بینک ہے۔ برائے مہربانی جلد سوال کا جواب دیں۔

جواب:

سیونگ اکاؤنٹ اگر نفع ونقصان کی شراکت کے ساتھ ہو تو اس سے ملنے والا منافع تو جائز ہوتا ہے۔ اگر فکس منافع ہو تو پھر جائز نہیں ہے، یہ سود ہے۔ سود اگر آپ کے لیے جائز نہیں ہے تو کسی اور مسلمان کے لیے بھی جائز نہیں ہے۔ لہذا آپ اپنی اصل رقم واپس لے لیں اور سود رہنے دیں۔

واللہ و رسولہ اعلم بالصواب۔

مفتی: عبدالقیوم ہزاروی

تاریخ اشاعت: 2013-08-24


Your Comments