Fatwa Online Durood-e-Minhaj
Home Latest Questions Most Visited Ask Scholar
   
فتویٰ آن لائن - کیا مصلی کو ایک کونے سے فولڈ کرنا ضروری ہے؟

کیا مصلی کو ایک کونے سے فولڈ کرنا ضروری ہے؟

موضوع: نماز

سوال پوچھنے والے کا نام: محمد سلیم       مقام: الہ آباد

سوال نمبر 2644:
السلام علیکم باجماعت امامت کے بعد امام صاحب کا جائے نماز یعنی مصلی کو ایک کونے سے فولڈ کرنا لازمی ہے؟ اگر ایسا کرنا لازمی ہے تو اس کی شرعی دلیل کیا ہے؟ کیونکہ ایک صاحب فرماتے ہیں کہ اگر جائے نماز کو ایک کونے سے فولڈ نہیں کرتے تو اس پر شیطان آ کر نماز پڑھتا ہے۔ اگر ایسا مان لیا جائے تو پھر نماز کی ادائیگی کے بعد مسجد کی صفوں میں تو شیاطین صف در صف نماز پڑھتے ہوں گے۔ مفصل جواب عنائت فرمایں۔

جواب:

یہ سب جاہلانہ باتیں ہیں۔ مصلی فولڈ کرنے یا نہ کرنے کی کوئی پابندی نہیں ہے۔ ضرورت ہو تو فولڈ کر کے رکھ دیں، اگر اسی طرح پڑا رہے پھر بھی کوئی قباحت نہیں۔ باقی رہا ایک کونے سے فولڈ کرنا اس کا تو کوئی فائدہ نہیں ہے۔ شیطان نماز پڑھنے لگ جائے تو اس سے بہتر کیا ہو سکتا ہے۔ یہ سب فضول باتیں ہیں جو بدقسمتی سے ہمارے معاشرے میں مشہور ہو گئی ہیں۔

واللہ و رسولہ اعلم بالصواب۔

مفتی: عبدالقیوم ہزاروی

تاریخ اشاعت: 2013-07-04


Your Comments