Fatwa Online Durood-e-Minhaj
Home Latest Questions Most Visited Ask Scholar
   
فتویٰ آن لائن - غیر مدخولہ کی عدت کیا ہے؟

غیر مدخولہ کی عدت کیا ہے؟

موضوع: نکاح   |  طلاق   |  غیر مدخولہ کی طلاق   |  خلع کا حکم   |  عدت کے احکام   |  خلع کی عدت

سوال پوچھنے والے کا نام: ریاض محمود       مقام: کینیڈا

سوال نمبر 1988:
اگر نہ عورت نکاح کے بعد مرد کے ساتھ رہتی ہو اور نہ ہی کبھی اس کے ساتھ ہم بستری کی ہو - کیا پھر بھی اسے دوسری جگہ شادی کے لئے طلاق یا خلع کی ضرورت ہے اور کیا اس عِدت پوری کرنا پڑے گی، اگرچہ مرد کےساتھ کبھی بھی جنسی تعلقات شروع نہ ہوئے ہوں۔

جواب:

  1. نکاح کے بعد عورت خاوند کے ساتھ رہے یا نہ رہے، جنسی تعلق قائم ہو یا نہ ہو۔ شرعی طور پر وہ عورت طلاق یا خلع کے بغیر کسی دوسرے شخص سے نکاح نہیں کر سکتی۔ لہذا آپ کے سوال کے مطابق اس شخص نے ابھی تک طلاق نہیں دی ہے اور نہ ہی عورت نے خلع لی ہے۔ لہذا یہ عورت جب تک طلاق یا خلع نہیں لیتی اس کے نکاح میں ہے اور کسی دوسرے کے ساتھ  نکاح نہیں کر سکتی۔ نکاح کرنے کی صورت آپ کو بتا دی ہےطلاق یا خلع۔
  2. نکاح کے بعد اگر عورت اپنے خاوند کے ساتھ نہیں رہتی یا دونوں کے درمیان جنسی تعلق بھی قائم نہیں ہو،ا تو اس کا ہرگز یہ مطلب نہیں ہے کہ عورت بغیر طلاق یا خلع کے کسی دوسرے شخص کے ساتھ نکاح کر لے۔ اگر ایسا کیا تو یہ حرام ہے اور پوری زندگی زنا کرے گی۔
  3. رہی بات عدت کی تو اگر اس عورت اور اس کے خاوند کے درمیان خلوت صحیحہ نہیں ہوئی (یعنی دونوں اکٹھے نہیں سوئے یا اکٹھے ایک کمرے میں نہیں رہے) تو ایسی صورت میں یہ غیر مدخولہ ہے اور اس کی عدت نہیں ہوتی۔ غیر مدخولہ کی عدت کا حکم قرآن میں یوں بیان کیا گیا ہے:

ثُمَّ طَلَّقْتُمُوهُنَّ مِن قَبْلِ أَن تَمَسُّوهُنَّ فَمَا لَكُمْ عَلَيْهِنَّ مِنْ عِدَّةٍ تَعْتَدُّونَهَا.

(الْأَحْزَاب ، 33 : 49)

پھر تم انہیں طلاق دے دو قبل اس کے کہ تم انہیں مَس کرو (یعنی خلوتِ صحیحہ کرو) تو تمہارے لئے ان پر کوئی عدّت (واجب) نہیں ہے کہ تم اسے شمار کرنے لگو،

  1. اگر خلوت صحیحہ واقع ہوئی ہے لیکن دخول نہیں ہوا، پھر بھی یہ مدخولہ کے حکم میں ہے اور طلاق یا خلع کے بعد عدت گزارے گی، پھر عدت کے بعد کسی دوسرے شخص سے نکاح کرے گی دوران عدت نہیں کر سکتی۔

واللہ و رسولہ اعلم بالصواب۔

مفتی: حافظ محمد اشتیاق الازہری

تاریخ اشاعت: 2012-07-10


Your Comments