کیا سالی کے ساتھ جنسی تعلقات کی بنا پر بیوی سے نکاح ختم ہو جائے گا؟

سوال نمبر:1924
کیا شوہر کا اپنی بیوی کی بہن یعنی سالی کے ساتھ جنسی تعلق قائم ہونے کے بعد نکاح ختم ہو جائے گا؟ اور یہ تعلق بہت عرصہ سے ہے اور ختم بھی نہیں ہوا۔

  • سائل: سلطانمقام: پاکستان
  • تاریخ اشاعت: 07 جولائی 2012ء

زمرہ: محرمات نکاح   |  زنا و بدکاری

جواب:

شوہر کا سالی کے ساتھ جنسی تعلقات کی بناء پر بیوی سے نکاح ختم نہیں ہوتا۔ نکاح برقرار رہتا ہے۔ لیکن سالی کے ساتھ جنسی تعلقات قائم کرنا گناہ کبیرہ ہے۔ یہ خالص زنا ہے۔ اگر زنا گواہوں سے ثابت ہو جائے تو اس شخص پر حد لگے گی۔ اور اگر سالی کے ساتھ جنسی تعلقات حلال سمجھتا ہے تو ایسا شخص دائرہ اسلام سے خارج ہو جاتا ہے۔ کافر و مرتد ہو جاتا ہے۔ کیونکہ اس نے حرام کو حلال سمجھا اور کیا۔ جو لوگ اس کے اس ناجائز تعلق سے واقف ہیں انہیں چاہیے کہ وہ عدالت میں جا کر اس کے خلاف گواہی دیں اور قانونی طور پر اس کو سزا دلائی جائے۔ اور اگر جاننے کے باوجود اس شخص کے اس صریح گناہ کبیرہ پر خاموش ہیں تو وہ بھی گناہ گار ہیں۔ اور وہ بھی بروز قیامت اللہ تعالی کی بارگاہ میں جوابدہ ہوں گے۔

واللہ و رسولہ اعلم بالصواب۔

مفتی: حافظ محمد اشتیاق الازہری

اہم سوالات
  • بٹ کوئن کی ٹریڈنگ کا کیا حکم ہے؟
  • قطع تعلقی کرنے والے رشتے داروں سے صلہ رحمی کا کیا حکم ہے؟
  • مزارات پر پھول چڑھانے اور چراغاں کرنے کا کیا حکم ہے؟