کیا مدینۃ المنورہ اللہ تعالیٰ‌ کا عرش اور عزیز ترین شہر ہے؟

سوال نمبر:1187
کیا یہ سچ ہے کہ جہاں نبی اکرم صلی اللہ علیہ وسلم جس جگہ آرام فرما ہیں وہ جگہ عرش ہے اور اللہ تعالیٰ کے نزدیک زیادہ عزیز ہے؟

  • سائل: حسن یوسفمقام: لائم، ملاوی
  • تاریخ اشاعت: 17 ستمبر 2011ء

زمرہ: متفرق مسائل

جواب:

فقہاء کرام نے تصریح کی ہے کہ وہ جگہ جس میں آقا علیہ الصلوٰۃ والسلام کا جسد اقدس آرام فرما ہے وہ تمام روئے زمین سے افضل ہے، صاحب دُر مختار فرماتے ہیں :

ما ضم اعضاء ه عليه الصلوٰة والسلام فانه افضل مطلقاً حتی من الکعبة و العرش و الکرسی.

(در المختار، 2 : 626)

وہ حصہ زمین جو جسد اقدس سے ملا ہوا ہے وہ مطلقاً افضل ہے، یہاں تک کہ کعبہ عرش اور کرسی سے بھی افضل ہے۔

امام شافعی فرماتے ہیں کہ قاضی عیاض رحمۃ اللہ علیہ نے اجماع امت سے نقل کیا ہے کہ جس جگہ اعضاء مبارک ملے ہوئے ہیں وہ کعبہ سے بھی افضل ہے، اسی طرح امام عقیل حنبلی سے منقول ہے کہ یہ جگہ عرش سے بھی افضل ہے۔

(رد المختار، 2 : 626)

چونکہ عرش و کرسی بھی مخلوق ہے اور تمام مخلوقات میں افضل حضور نبی اکرم صلی اللہ علیہ وآلہ وسلم کی ذات مبارکہ ہے اس لیے کوئی اشکال نہیں کہ آپ صلی اللہ علیہ وآلہ وسلم کی قبر انور کا وہ حصہ جو آپ صلی اللہ علیہ وآلہ وسلم کے جسد اقدس سے ملا ہوا ہے وہ عرش و کرسی سے بھی افضل ہے۔ اس پر اجماع امت ہے اور اجماع نص قطعی ہوتا ہے۔

واللہ و رسولہ اعلم بالصواب۔

مفتی: صاحبزادہ بدر عالم جان

اہم سوالات
  • بٹ کوئن کی ٹریڈنگ کا کیا حکم ہے؟
  • قطع تعلقی کرنے والے رشتے داروں سے صلہ رحمی کا کیا حکم ہے؟
  • مزارات پر پھول چڑھانے اور چراغاں کرنے کا کیا حکم ہے؟