کیا ذریعہ معاش کے لیے باطل عقائد والی کتب کو چھاپنا جائز ہے؟

سوال نمبر:2118
السلام علیکم ورحمۃ اللہ وبرکاتہ سب سے پہلے تو میں شیخ الاسلام اور تحریک منھاج القرآن کا دلی شکریہ ادا کرتاہوں کہ ہم جیسے گنہگاروں کے لئے شیخ الاسلام نے دینِ اسلام کی طرف راغب کرنے کے لیے کئی سہولتیں میسر کیں۔ میں ایک گرافکس ڈیزائنر ہوں اور صحیح العقیدہ اہل السنۃ والجماعۃ سے ہوں اور حنفی ہوں۔ میرے پاس دیگر جماعتوں کے میگزینز کتابیں وغیرہ چھپوانے کے آرڈرز آتے رہتے ہیں۔ براہِ کرم یہ بتائیں کہ کیا ایک اہل سنت والجماعت کو دیگر فرقوں کی کتب وغیرہ چھاپنا شرعا جائز ہے یا نہیں؟

  • سائل: حافظ محمد لطیف الحسن کلیمیمقام: وجئے واڑہ، آندھراپردیش، الہند
  • تاریخ اشاعت: 15 ستمبر 2012ء

زمرہ: عقائد

جواب:

وعلیکم السلام اللہ تعالی آپ کو صحیح عقیدہ پر استقامت عطا فرمائے۔ اگر کوئی کتاب ہمارے عقائد کے خلاف ہو گستاخی پر مبنی ہو تو اس کو نہ چھاپیں۔ کیونکہ یہ گناہ پر معاونت کرنا ہے اور قرآن میں ایسا کرنے سے منع کیا گیا ہے۔

وَلاَ تَعَاوَنُواْ عَلَى الْإِثْمِ وَالْعُدْوَانِ.

(الْمَآئِدَة ، 5 : 2)

گناہ اور ظلم کے کاموں میں ایک دوسرے کی مدد نہ کرو۔

اگر اس کے علاوہ معاش کا کوئی ذریعہ ہو تو وہ اختیار کر سکتے ہیں لہذا آپ باطل عقائد والی کتب کی اشاعت نہ کریں۔

واللہ و رسولہ اعلم بالصواب۔

مفتی: حافظ محمد اشتیاق الازہری

اہم سوالات
  • بٹ کوئن کی ٹریڈنگ کا کیا حکم ہے؟
  • کاروباری شراکت کے اسلامی اصول کیا ہیں؟
  • وطن سے محبت کی شرعی حیثیت کیا ہے؟