عصر کی نماز کا صحیح وقت کیا ہے؟

سوال نمبر:1216
اسلام علیکم مفتی صاحب عصر کی نماز کا صحیح وقت کیا ہے؟ ادھر عمان میں عصر کی اذان تقریباً ساڑھے 3 بجے ہو جاتی ہے، پھر مغرب کی اذان تقریباً 3گھنٹے بعد ہوتی ہے۔ پلیز رہنمائی فرمائیں۔ پاکستان میں تو عصر اور مغرب کے درمیان وقفہ تھوڑا ہوتا ہے۔

  • سائل: محمد حفیظمقام: مسقط عمان
  • تاریخ اشاعت: 14 اکتوبر 2011ء

زمرہ: عبادات  |  نماز کے اوقات   |  نماز

جواب:

پاکستان میں فقہ حنفی کے پیروکار کثرت میں ہیں، اس لیے وہ فقہ حنفی کے مطابق نماز ادا کرتے ہیں۔ جب کہ عمان میں فقہ شافعی کے ماننے والے ہیں۔ فقہ حنفی کے مطابق نماز ظہر کا وقت زوال آفتاب سے لے کر ہر چیز کا سایہ دو گنا ہونے تک رہتا ہے، اسی لیے نماز ظہر کا وقت زیادہ ہوتا ہے۔ جب کہ فقہ شافعی کے مطابق نماز ظہر کا وقت زوال آفتاب سے لے کر ہر چیز کا سایہ ایک گنا ہونے تک رہتا ہے۔ دونوں صورتیں جائز ہیں۔ آپ لوگ چوں کہ وہاں رہتے ہیں اور یہ آپ کی مجبوری ہے۔ لہذا آپ کے لیے جائز ہے کہ ان کے پیچھے نماز ادا کریں۔

واللہ و رسولہ اعلم بالصواب۔

مفتی: صاحبزادہ بدر عالم جان

اہم سوالات
  • بٹ کوئن کی ٹریڈنگ کا کیا حکم ہے؟
  • قطع تعلقی کرنے والے رشتے داروں سے صلہ رحمی کا کیا حکم ہے؟
  • مزارات پر پھول چڑھانے اور چراغاں کرنے کا کیا حکم ہے؟