Fatwa Online Durood-e-Minhaj
Home Latest Questions Most Visited Ask Scholar
   
فتویٰ آن لائن - اگر دوران نماز پیشاب کے قطرے نکل آئیں تو کیا نماز دوبارہ لوٹانی پڑے گی؟

اگر دوران نماز پیشاب کے قطرے نکل آئیں تو کیا نماز دوبارہ لوٹانی پڑے گی؟

موضوع: زکوۃ  |  معذور کی نماز

سوال پوچھنے والے کا نام: علی نواز میمن       مقام: کراچی، پاکستان

سوال نمبر 866:
اگر دوران نماز پیشاب کا قطرے نکل آئیں تو نمازی کو کیا کرنا چاہئے؟ کیا ایسی صورت میں نماز ہو جائیگی؟

جواب:
اگر کوئی شخص معذور ہو یعنی سلسل بول کی بیماری میں مبتلا ہو اور یہ قطرے مسلسل آتے رہتے ہو یعنی ایک نماز کے مکمل وقت تک وہ اس بیماری میں مبتلا رہے اور اتنا وقفہ نہ ملے جس میں وضو کر کے نماز پڑھی جا سکے تو ایسا شخص شرعا معذور ہے دوران نماز اگر قطرے آتے بھی ہیں تو نماز ہو جائے گی۔ پھر جب ایک نماز کا مکمل وقت قطرے آنا بند ہوجائے تو پھر اس شخص کا عذر ختم ہو جائے گا اور وہ دوبارہ وضو کر کے نماز ادا کرے گا۔

باقی اگر کوئی شخص اس طرح معذور نہیں ہے تو اس کی نماز قطرے آنے سے ٹوٹ جائے گی اس لیے کہ قطرے آنے سے وضو ٹوٹ جاتا ہے۔ (کتب فقہ)

واللہ و رسولہ اعلم بالصواب۔

مفتی: صاحبزادہ بدر عالم جان

تاریخ اشاعت: 2011-04-02


Your Comments