جواب:
جواب: اگر مرحومہ کے وقتِ وفات چار بہنیں اور دونوں بھائی حیات تھے تو کل قابلِ تقسیم ترکہ برابر آٹھ (8) حصے بنا کر ہر بھائی کو دو حصے اور ہر بہن کو ایک حصہ دیں گے۔
جیسا کہ قرآن مجید میں کلالہ کے بارے میں ارشاد باری تعالی ہے:
وَ اِنۡ کَانُوۡۤا اِخۡوَۃً رِّجَالًا وَّ نِسَآءً فَلِلذَّکَرِ مِثۡلُ حَظِّ الۡاُنۡثَیَیۡنِ ؕ
(النساء 4: 176)
’’اور اگر (بصورتِ کلالہ مرحوم کے) چند بھائی بہن مرد (بھی) اور عورتیں (بھی وارث) ہوں تو پھر (ہر) ایک مرد کا (حصہ) دو عورتوں کے حصہ کے برابر ہوگا۔ ‘‘
اس طرح جو بھائی یا بہنیں مرحومہ کے وقتِ وفات زندہ تھے۔ اب انکی اولاد میں انکا حصہ تقسیم کر دیا جائے گا۔ یعنی زندہ بہن کو اس کا حصہ دے کر باقیوں کے حصے انکے ورثاء میں تقسیم کریں گے۔
واللہ و رسولہ اعلم بالصواب۔
دارالافتاء منہاج القرآن
365 ایم، ماڈل ٹاؤن لاہور
فون : 140-140-111 (42) 92+
