Fatwa Online Durood-e-Minhaj
Home Latest Questions Most Visited Ask Scholar
   
فتویٰ آن لائن - کیا شام کے وقت جھاڑو دینا ممنوع ہے؟

کیا شام کے وقت جھاڑو دینا ممنوع ہے؟

موضوع: شوم و نحوست

سوال پوچھنے والے کا نام: نبیل فیاض       مقام: لاہور

سوال نمبر 5192:
السلام علیکم! میرا سوال یہ ہے کہ صبح اور مغرب کے وقت جب پہر تبدیل ہوتا ہے اس وقت جھاڑو دینے کا کیا حکم ہے؟ بعض‌ لوگ کہتے ہیں کہ اس سے رزق میں تنگی ہوتی ہے۔ دوسرا سوال یہ ہے کہ شریعت کی نظر میں نحوست کیا شے ہے؟

جواب:

آپ کے سوالات کے جوابات بالترتیب درج ذیل ہیں:

1۔ گھر کی صفائی و ستھرائی کے لیے شرعاً نہ تو کسی وقت کی تخصیص کی گئی ہے اور نہ کوئی وقت ممنوع قرار دیا گیا ہے۔ ضرورت اور سہولت کے پیشِ نظر کسی بھی وقت صفائی کی جاسکتی ہے۔ جھاڑو لگانے کے لیے کسی وقت کی شرعاً کوئی ممانعت نہیں ہے۔ اللہ تعالیٰ صفائی پسند لوگوں سے محبت فرماتا ہے۔ قرآنِ مجید میں اللہ تعالیٰ کا ارشاد ہے:

إِنَّ اللّهَ يُحِبُّ التَّوَّابِينَ وَيُحِبُّ الْمُتَطَهِّرِينَ.

بیشک اﷲ بہت توبہ کرنے والوں سے محبت فرماتا ہے اور خوب پاکیزگی اختیار کرنے والوں سے محبت فرماتا ہے۔

البقرة، 2: 222

اس لیے پہر کی تبدیلی کے ساتھ جھاڑو دینے کا کوئی تعلق نہیں۔

2۔ شریعتِ اسلامیہ کی نظر میں نحوست انسان کی اپنی بداعمالیوں کی ہوتی ہے۔ کسی دن، جگہ، وقت، جانور یا شخص کو منحوس سمجھنا محض توہم پرستی اور ایمان کی کمزوری کی علامت ہے۔ اس کی مزید وضاحت کے لیے ملاحظہ کیجیے: بدشگونی لینا کیسا ہے؟

واللہ و رسولہ اعلم بالصواب۔

مفتی: محمد شبیر قادری

تاریخ اشاعت: 2019-01-09


Your Comments