Fatwa Online Durood-e-Minhaj
Home Latest Questions Most Visited Ask Scholar
   
فتویٰ آن لائن - نبی اکرم ﷺ کی ولادت کا وقت کیا تھا؟

نبی اکرم ﷺ کی ولادت کا وقت کیا تھا؟

موضوع: میلاد النبی صلی اللہ علیہ وسلم

سوال پوچھنے والے کا نام: مظہر قادری       مقام: مسٹ یونیورسٹی، آزاد کشمیر

سوال نمبر 5181:
السلام علیکم مفتی صاحب! حضور نبی اکرم ﷺ کا وقتِ ولادت کیا ہے؟

جواب:

شیخ الاسلام ڈاکٹر محمد طاہر القادری اپنی شہرہ آفاق کتاب ’سیرت الرسول صلی اللہ علیہ وآلہ وسلم‘ میں، آپ صلی اللہ علیہ وآلہ وسلم کی ولادت باسعادت کے وقت کے بارے میں لکھتے ہیں:

’طلوع صبح صادق کے فوراً بعد ظہور پر نور ہوا۔ پاکستانی نظام الاوقات کے مطابق اس روز مکہ معظمہ میں صبح صادق کا طلو ع 4 بج کر 20 منٹ پر ہوا تھا۔ اس وقت جیٹھ کی یکم تاریخ کو شروع ہوئے 13 گھنٹے 16 منٹ گزر چکے تھے۔‘

طاهرالقادري، سيرت الرسول، 2: 238، لاهور، باكستان: منهاج القرآن ببلي كيشنز

نواب محمد صدیق حسن خان بھوپالی نے نبی کریم صلی اللہ علیہ وآلہ وسلم کی ولادت باسعادت کے بارے میں لکھا ہے کہ:

’ولادت شریف مکہ مکرمہ میں وقت طلوع فجر بروز دو شنبہ شب دوازدھم ربیع الاول عام الفیل کو ہوئی جمہور علماء کا قول یہی ہے۔ ابن جوزی نے اس پر اتفاق نقل کیا ہے۔‘

صديق حسن، الشمامة العنبرية من مولد خير البرية: 7، دهلي: مطبع انصاري

واللہ و رسولہ اعلم بالصواب۔

مفتی: محمد شبیر قادری

تاریخ اشاعت: 2019-03-09


Your Comments