Fatwa Online Durood-e-Minhaj
Home Latest Questions Most Visited Ask Scholar
   
فتویٰ آن لائن - کیا بیوی کو ’تم آزاد ہو‘ کہنے سے طلاق واقع ہو جاتی ہے؟

کیا بیوی کو ’تم آزاد ہو‘ کہنے سے طلاق واقع ہو جاتی ہے؟

موضوع: طلاق کنایہ

سوال پوچھنے والے کا نام: آفان       مقام: لاہور

سوال نمبر 5157:
السلام علیکم! میں اپنی فیملی کے ساتھ عمرہ کرنے گیا، ہم بیٹھے حساب کتاب کر رہے تھے کہ میری بیوی نے جانے کے لیے کہا۔ میں‌ نے کہا پہلے حساب بتا دو تاکہ میں لکھ لوں پھر چلے جانا۔ اس نے لکھوا دیا تو میں نے کہا اب تم آزاد ہو۔ بعد میں مجھے خیال آیا کہ کہیں اس لفظ سے طلاق تو نہیں‌ ہو جاتی۔ حالانکہ میرے ذہن اس وقت ایسا کوئی خیال نہیں‌ تھا۔ اس سلسلے میں‌ آپ کی کیا رائے ہے؟

جواب:

الفاظِ کنایہ‘ جیسا کہ ’تم آزاد ہو‘ سے طلاق اُس وقت واقع ہوتی ہے جب گفتگو میں طلاق قرینہ پایا جائے یا شوہر طلاق دینے کی نیت سے یہ الفاظ استعمال کرے۔ یہاں ان دونوں میں سے کوئی صورت بھی نہیں پائی جا رہی اس لیے آپ کے ان الفاظ سے طلاق واقع نہیں ہوئی۔ یہ محض شیطانی وسوسہ ہے اور ازدواجی زندگی کی حفاظت کے لیے ایسے وساوس سے بچنا چاہیے۔

واللہ و رسولہ اعلم بالصواب۔

مفتی: محمد شبیر قادری

تاریخ اشاعت: 2018-12-24


Your Comments