Fatwa Online Durood-e-Minhaj
Home Latest Questions Most Visited Ask Scholar
   
فتویٰ آن لائن - سنت نمازوں کی فضیلت کیا ہے؟

سنت نمازوں کی فضیلت کیا ہے؟

موضوع: نماز کی سنتیں   |  نماز  |  عبادات

سوال نمبر 512:
سنت نمازوں کی فضیلت کیا ہے؟

جواب:

سنت نمازوں کی فضیلت بیان کرتے ہوئے ام المؤمنین حضرت امِّ حبیبہ رضی اﷲ عنہا روایت کرتی ہیں کہ حضور نبی اکرم صلی اللہ علیہ وآلہ وسلم نے فرمایا :

مَنْ صَلَّی فِی يَوْمٍ وَلَيْلَةٍ ثِنْتَيْ عَشْرَةَ رَکْعَةً بُنِیَ لَهُ بَيْتٌ فِی الْجَنَّةِ : أَرْبَعًا قَبْلَ الظُّهْرِ، وَرَکْعَتَيْنِ بَعْدَهَا، وَرَکْعَتَيْنِ بَعْدَ الْمَغْرِبِ، وَرَکْعَتَيْنِ بَعْدَ الْعِشَاءِ، وَرَکْعَتَيْنِ قَبْلَ صَلَاةِ الْفَجْرِ.

ترمذی، السنن، کتاب الصلاة، باب ما جاء فيمن صلی فی يوم وليلة ثنتی عشرة رکعة من السنة، 1 : 440، رقم : 415

’’جس شخص نے دن اور رات میں (فرائض کے علاوہ) بارہ رکعات ادا کیں تو اس کے لیے جنت میں مکان بنایا جائے گا۔ (ان سنتوں کی تفصیل یہ ہے : ) چار رکعت ظہر سے پہلے اور دو رکعت ظہر کے بعد، دو رکعت مغرب کے بعد، دو رکعت عشاء کے بعد اور دو رکعت نمازِ فجر سے پہلے۔‘‘

واللہ و رسولہ اعلم بالصواب۔


Your Comments