Fatwa Online Durood-e-Minhaj
Home Latest Questions Most Visited Ask Scholar
   
فتویٰ آن لائن - کیا تلاوت و نعت اور وعظ پر معاوضہ کا مطالبہ کرنا جائز ہے؟

کیا تلاوت و نعت اور وعظ پر معاوضہ کا مطالبہ کرنا جائز ہے؟

موضوع: متفرق مسائل

سوال پوچھنے والے کا نام: محمد عدیل شکور       مقام: مریدکے

سوال نمبر 4844:
السلام علیکم! میرا سوال یہ ہے کہ کیا دین کے نام پر پیسہ کمانا جائز ہے؟ جیسے ایک محفل نعت میں کسی نعت خواں کو بلایا جائے تو کم از کم 2 لاکھ اس کا ریٹ اور باقی پھینکے یا لٹائے جانے والے پیسے منہ سے مانگتے ہیں- یا پھر وہ ٹی وی پر بیٹھ کر درس دیتے ہیں اور ساتھ ہی ہر شو پر ٹی وی کو چارج کرتے ہیں؟ اس بارے میں دین اور شریعت کے حکم کے بارے میں ہماری رہنمائی کریں۔ شکریہ

جواب:

تلاوت، نعت اور وعظ و نصیحت کے لیے سودے بازی کرنا قطعی طور پر ممنوع ہے۔ یہ خدمتِ دین نہیں، بلکہ دین کی خرید و فروخت اور کاروبار ہے۔ قراء، نعت خواں اور مقررین حضرات کو آمد و رفت کے اخراجات مہیا کرنا اور صرف کردہ وقت کا معاوضہ دینا محافل کے منتظمین کی ذمہ داری ہے۔ لیکن تلاوت و نعت اور وعظ و نصیحت کے لیے ہزاروں لاکھوں روپوں کا مطالبہ کرنا، پیشگی رقم وصول کرنا صریحاً ناجائز ہے۔ مزید وضاحت کے لیے ملاحظہ کیجیے:

کیا تقریر، وعظ یا تبلیغ کا معاوضہ لینا جائز ہے؟

واللہ و رسولہ اعلم بالصواب۔

مفتی: محمد شبیر قادری

تاریخ اشاعت: 2018-05-03


Your Comments