نماز میں کون سے مستحبات ہیں؟

سوال نمبر:457
نماز میں کون سے مستحبات ہیں؟

  • تاریخ اشاعت: 27 جنوری 2011ء

زمرہ: عبادات  |  نماز  |  نماز کے مستحبات

جواب:

نماز میں درج ذیل مستحبات ہیں :

  1. قیام میں سجدہ کی جگہ نگاہ رکھنا۔
  2. رکوع میں قدموں پر نظر رکھنا۔
  3. سجدہ میں ناک زمین پر رکھنا۔
  4. قعدہ میں گود پر نظر رکھنا۔
  5. سلام میں دائیں اور بائیں جانب کے کندھے پر نظر رکھنا۔
  6. جمائی کو آنے سے روکنا، نہ رکے تو حالتِ قیام میں دائیں ہاتھ سے منہ ڈھانک لیں اور دوسری حالتوں میں بائیں ہاتھ کی پیٹھ سے۔
  7. مرد تکبیر تحریمہ کے لیے کپڑے سے ہاتھ باہر نکالیں اور عورتیں اندر رکھیں۔
  8. کھانسی روکنے کی کوشش کرنا۔
  9. حَیَّ عَلَی الْفَلَاحِ پر امام و مقتدی کا کھڑے ہونا۔
  10. حالتِ قیام میں دونوں پاؤں کے درمیان چار انگلیوں کا فاصلہ ہو۔

واللہ و رسولہ اعلم بالصواب۔

اہم سوالات
  • بٹ کوئن کی ٹریڈنگ کا کیا حکم ہے؟
  • قطع تعلقی کرنے والے رشتے داروں سے صلہ رحمی کا کیا حکم ہے؟
  • مزارات پر پھول چڑھانے اور چراغاں کرنے کا کیا حکم ہے؟