مفقود الخبر شوہر کی بیوی کی دوسری شادی کا کیا حکم ہے؟

سوال نمبر:4174
اگر کوئی شخص لا پتہ ہو جائے کیا اس کی زوجہ دوسری جگہ شادی کر سکتی ہے؟ اگر شادی کرنا جائز ہے تو پہلا شوہر واپس آجائے تو کیا حکم ہے؟

  • سائل: قاضی عاقبمقام: پاکستان
  • تاریخ اشاعت: 02 مارچ 2017ء

زمرہ: نکاح

جواب:

جس عورت کا خاوند مفقود الخبر ہو وہ مالکی مسلک کے مطابق چار سال تک انتظار کر کے کسی اور جگہ حسب منشاء عقد نکاح کر سکتی ہے۔

احناف کا فتوی آج کل اسی قول پر ہے۔ لہٰذا مذکورہ عورت کو مجسٹریٹ کے روبرو پیش ہو کر اور اپنے خاوند کے مفقود الخبر ہونے کا ثبوت دے کر، دوسری شادی کا اجازت نامہ حاصل کر کے دوسری شادی کر لینی چاہیے۔ جب شادی کا حکم بھی معلوم ہو گیا اور مجسٹریٹ کا اجازت نامہ بھی مل گیا تو پہلے شوہر کے واپس آنے کی صورت میں بھی کوئی مسئلہ پیدا نہیں ہو گا۔ کیونکہ اس طرح شرعی مسئلہ کو ریاستی تحفظ حاصل ہو گا۔ یہ عورت دوسرے خاوند کی ہی بیوی رہے گی۔ پہلے سے کوئی تعلق نہ ہو گا۔ البتہ پہلے کے ذمے اگر حق مہر یا چار سال کا خرچہ واجب الادا ہے، عورت چاہے بذریعہ عدالت وصول کرے، چاہے تو معاف کرسکتی ہے۔

واللہ و رسولہ اعلم بالصواب۔

مفتی: عبدالقیوم ہزاروی

اہم سوالات
  • بٹ کوئن کی ٹریڈنگ کا کیا حکم ہے؟
  • قطع تعلقی کرنے والے رشتے داروں سے صلہ رحمی کا کیا حکم ہے؟
  • مزارات پر پھول چڑھانے اور چراغاں کرنے کا کیا حکم ہے؟