Fatwa Online Durood-e-Minhaj
Home Latest Questions Most Visited Ask Scholar
   
فتویٰ آن لائن - کیا موجودہ سادات اہلِ بیت ہیں یا آلِ رسول (ص)؟

کیا موجودہ سادات اہلِ بیت ہیں یا آلِ رسول (ص)؟

موضوع: متفرق مسائل

سوال پوچھنے والے کا نام: ایس کے شاداب       مقام: اڑیسہ، الہند

سوال نمبر 3537:
السلام علیکم مفتی صاحب! میں‌ نوکری تلاش کر رہا ہوں‌ کوئی وظیفہ بتائیں تاکہ اللہ تعالیٰ‌ کی مدد شامل حال ہو۔ میرا دوسرا سوال یہ ہے کہ کیا موجودہ سادات اہلِ بیت میں‌ سے ہیں؟

جواب:

  1. نوکری کی تلاش جاری رکھیں، اور ساتھ اللہ تعالیٰ کی بارگاہ میں دعا بھی کرتے رہیں۔ جب اس نے چاہا قبول ہوجائے گی۔

ہر نماز کے بعد گیارہ (11) مرتبہ حسبي الله ونعم الوکيل نعم المولیٰ و نعم النصير کا ورد کریں۔ اس سے پہلے اور آخر پر گیارہ گیارہ مرتبہ درود و سلام پڑھیں۔

  1. موجودہ سادات اہل بیت رسول صلیٰ اللہ علیہ وآلہ وسلم نہیں ہیں۔ قرآن پاک میں فرمان خدا تعالیٰ نے رسول اکرم صلیٰ اللہ علیہ وآلہ وسلم کی ازواجِ مطہرات کو ’’اہل بیت‘‘ کے لقب سے نوازا، جبکہ رسول اکرم صلی اللہ علیہ وآلہ وسلم نے سیدنا علی، سیدہ فاطمہ، امام حسن اور امام حسین رضوان اللہ علیہم کو چادر تطہیر میں لے کر ’’اہل بیت‘‘ میں شامل فرمایا۔ باقی تمام سادات آل رسول تو ہیں، مگر اہل بیت نہیں۔

واللہ و رسولہ اعلم بالصواب۔

مفتی: عبدالقیوم ہزاروی

تاریخ اشاعت: 2015-03-31


Your Comments