Fatwa Online Durood-e-Minhaj
Home Latest Questions Most Visited Ask Scholar
   
فتویٰ آن لائن - اگر شوہر نے بیوی سے کہا ’میری کمائی تم پر حرام ہے‘ تو کیا طلاق واقع ہوجائےگی؟

اگر شوہر نے بیوی سے کہا ’میری کمائی تم پر حرام ہے‘ تو کیا طلاق واقع ہوجائےگی؟

موضوع: قسم   |  قسم کا کفارہ

سوال پوچھنے والے کا نام: عمران فیصل       مقام: پشاور

سوال نمبر 3504:
السلام علیکم مفتی صاحب! اگر نافرمان بیوی کو شرمندہ کرنے یا طنزاً کہا جائے کہ ’’تم میری بات نہیں‌ مانتی تو میری کمائی اور میرا گھر تمہارے لیے حرام ہے‘‘ کیا اس سے طلاق ہو جائے گی؟

جواب:

اس سے طلاق تو واقع نہیں ہوگی لیکن شوہر پر قسم کا کفارہ لازم آئے گا۔ بیوی کا نان، نفقہ اور سکنہ شوہر کے ذمے ہے، اور جب تک بیوی نکاح میں ہے شوہر کو ہر حال میں یہ ذمہ داری ادا کرنا ہوتی ہے۔ مذکورہ بالا یا اس طرح کے الفاظ ادا کرنے سے قسم کا کفارہ واجب ہوتا ہے۔ لہٰذا شوہر پر لازم ہے کہ وہ دس مسکینوں کو اوسط درجے کا کھانا کھلائیں یا کپڑے پہنائیں یا پھر تین دن کے مسلسل روزے رکھیں۔ بہرحال طلاق واقع نہیں ہوئی۔

واللہ و رسولہ اعلم بالصواب۔

مفتی: عبدالقیوم ہزاروی

تاریخ اشاعت: 2015-02-11


Your Comments