غسل کے فرض ہونے کی کیا صورت ہے؟

سوال نمبر:345
غسل کے فرض ہونے کی کیا صورت ہے؟

  • تاریخ اشاعت: 26 جنوری 2011ء

زمرہ: غسل   |  عبادات  |  طہارت

جواب:

غسل کے فرض ہونے کی درج ذیل صورتیں ہیں:

  1. منی شہوت کی وجہ سے نکل جائے تو غسل فرض ہے اور اگر محنت و مشقت کی وجہ سے نکلے تو غسل لازم نہیں البتہ وضو ٹوٹ جاتا ہے۔
  2. اگر پتلی منی پیشاب کے ساتھ بغیر شہوت کے نکلی تو غسل فرض نہیں۔
  3. سو کر اٹھنے کے بعد کپڑوں پر کچھ نشانات پائے گئے تو اس پر غسل کی چند صورتیں ہیں :
    1. اگر اس کے ودی یا مذی دونوں میں سے ایک کے ہونے کا یقین یا اِحتمال ہو تو غسل واجب نہیں۔
    2. اگر یقین ہے کہ منی یا مذی نہیں کچھ اور ہے تو غسل واجب نہیں۔
    3. اگر منی ہونے کا یقین ہو تو غسل لازم ہو گا خواب میں احتلام ہونا یاد ہو یا نہ ہو۔
  4. مجامعت سے مرد اور عورت پر غسل فرض ہو جاتا ہے خواہ انزال ہو یا نہ ہو۔
  5. عورت حیض سے فارغ ہو تو اس پر غسل فرض ہے۔
  6. عورت نفاس سے فارغ ہو تو اس پر غسل فرض ہے۔

واللہ و رسولہ اعلم بالصواب۔

اہم سوالات
  • بٹ کوئن کی ٹریڈنگ کا کیا حکم ہے؟
  • قطع تعلقی کرنے والے رشتے داروں سے صلہ رحمی کا کیا حکم ہے؟
  • مزارات پر پھول چڑھانے اور چراغاں کرنے کا کیا حکم ہے؟