خواب میں‌ آسمان سے سنگ باری دیکھنے کی کیا تعبیر ہے؟

سوال نمبر:3406
السلام علیکم! میں نے خواب میں دیکھا ہے کہ آسمان سے بڑے بڑے پتھر برس رہے ہیں یعنی آسمان سے سنگ باری ہو رہی ہے اور مجھ سمیت لوگ اپنی جان بچانے کے لئے بھاگ دوڑ کر رہے ہیں۔ برسنے والے پتھر اتنے بڑے ہیں کہ مسجد کے گنبد اور میناروں کو بھی تباہ ہوتے دیکھا ہے اور دوسری عمارتوں کو بھی۔ براہ کرم مجھے اس خواب کی تعبیر بتا دیں۔

  • سائل: ذیشان حیدرمقام: لاہور پاکستان
  • تاریخ اشاعت: 17 دسمبر 2014ء

زمرہ: خواب اور بشارات

جواب:

آپ کا خوب دراصل پوری دنیا اور بالخصوص عالمِ اسلام میں ہونے والی تباہی کا عکس ہے۔

خواب میں آسمان سے پتھروں کا برسنا، اس بات کی طرف اشارہ ہے کہ ہم پر مسلط ہونے والی تباہی ہماری شامتِ اعمال ہے۔ اگر ہم نے بد اعمالیوں سے کنارہ کشی اختیار نہ کی تو یہ تباہی بڑھتی چلی جائے گے۔

ہم سب اہلِ اسلام کا فریضہ ہے کہ اللہ پاک سے توبہ و استغفار کریں، اور اعمالِ صالحہ کی کثرت کریں۔

واللہ و رسولہ اعلم بالصواب۔

مفتی: عبدالقیوم ہزاروی

اہم سوالات
  • بٹ کوئن کی ٹریڈنگ کا کیا حکم ہے؟
  • قطع تعلقی کرنے والے رشتے داروں سے صلہ رحمی کا کیا حکم ہے؟
  • مزارات پر پھول چڑھانے اور چراغاں کرنے کا کیا حکم ہے؟