Fatwa Online Durood-e-Minhaj
Home Latest Questions Most Visited Ask Scholar
   
فتویٰ آن لائن - نمازِ عشاء کی قضاء کیسے ادا کی جائے؟

نمازِ عشاء کی قضاء کیسے ادا کی جائے؟

موضوع: عشاء   |  قضاء کی صورتیں   |  نماز

سوال پوچھنے والے کا نام: سلیمان بیگ       مقام: لاہور

سوال نمبر 3376:
السلام علیکم! میں نمازِ عشاء کی قضائیں ادا کرنا چاہتا ہوں۔ مجھے بتایا گیا ہے کہ عشاء کی نماز کے فرائض اور وتر اداء کرنے ہیں۔ میں فرض اور وتر کو ایک ساتھ ادا نہیں کر سکتا۔ کیا ایسا ممکن ہے کہ میں عشاء کی قضاء نمازوں کے فرض الگ دن کو اداء کر لوں‌ اور وتر الگ دن؟ یا کیا ضروری ہے کہ جب عشاء کی قضاء پڑھی جائے گی تو فرض اور وتر اسی وقت اکٹھے اداء کرنا ہوں گے؟

جواب:

بہتر تو یہ ہے کہ عشاء کی قضاء نمازیں اداء کرتے وقت آپ فرائض اور واجب اکٹھے ہی ادا کریں۔ اس سے یہ شمار کرنا آسان ہو جائے گا کن ایام کی قضاء پڑھی جا چکی ہے اور کن ایام کی باقی ہے۔ اس کے ساتھ ساتھ یہ بات بھی قابلِ غور ہے کہ اگر قدرت نے قضائیں اداء کرنے کی توفیق عطا کی ہے تو کیوں نہ مکمل طور پر جلد از جلد اداء کر لی جائیں۔ یہی نہ ہو کہ ہم تیاری پکڑتے رہیں اور فرشتہ اجل آکر سلسلہ عمل منقطع کر دے۔

تاہم اگر آپ فرض اور وتر الگ الگ بھی اداء کرنا چاہتے ہیں، تو جائز ہے۔ لیکن پہلی صورت زیادہ مناسب ہے۔

واللہ و رسولہ اعلم بالصواب۔

مفتی: محمد شبیر قادری

تاریخ اشاعت: 2014-11-29


Your Comments