Fatwa Online Durood-e-Minhaj
Home Latest Questions Most Visited Ask Scholar
   
فتویٰ آن لائن - کیا عصر کی قضا نماز مغرب کی جماعت کے ساتھ ادا کی جا سکتی ہے؟

کیا عصر کی قضا نماز مغرب کی جماعت کے ساتھ ادا کی جا سکتی ہے؟

موضوع: عبادات  |  نماز  |  نماز با جماعت

سوال پوچھنے والے کا نام: بلال حسین       مقام: سرگودھا

سوال نمبر 3041:
عزیزم مجھے براہ کرم دلیل کے ساتھ اس مسئلہ کا حل بتائیے کہ نماز عصر قضا ہونے کی صورت میں ادا کرنے کا موقع نہ مل سکا اور جب وقت ملا تو نماز مغرب کی جماعت کھڑی ہو چکی تھی۔ نمازوں کی ترتیب کے لحاظ سے نماز عصر پہلے ہے۔ تو اس صورت میں جماعت کے ساتھ شریک ہو کے نماز مغرب ادا کی جائے؟ اور نماز مغرب کے بعد قضا نماز عصر ادا کر لی جائے؟ یا پھر دوسری صورت میں نماز مغرب کو چھوڑ کے الگ سے نماز عصر ادا کی جائے؟ یا پھر تیسری صورت میں قضا نماز عصر کی نیت کر کے جماعت میں شامل ہوا جائے اور امام کے سلام پھیرنے کے بعد ایک رکعت اور جمع کر لی جائے؟ براہ کرم دلائل کی روشنی میں مسئلہ کا حل بتائیے۔ اللہ جزائے خیر دے۔ آمین۔

جواب:

سیدھی سی بات ہے جب کسی نماز کا وقت نکل جائے پھر اس کو قضا کیا جاتا ہے۔ لہذا مغرب کی جماعت کھڑی ہو جائے تو نماز مغرب باجماعت ادا کرنے کے بعد نماز عصر کی چار رکعت قضا کریں گے، اور قضاء صرف فرائض کی کریں گے، سنتوں کی نہیں۔ یہ کیسے ہو سکتا ہے کہ امام صاحب نماز مغرب کی جماعت کروا رہے ہوں اور آپ اس کے پیچھے نماز عصر کی نیت کر کے کھڑے ہوں، یہ تو ایسے ہی ہے کہ آپ لاہور سے کراچی جانے والی گاڑی میں بیٹھ کر نیت اسلام آباد کی کر لیں۔

لہذا سورج غروب ہونے سے پانچ منٹ پہلے تک اگر آپ نماز عصر ادا کر سکتے ہوں تو کر لیں نہیں تو نماز مغرب باجماعت ادا کرنے کے بعد چار فرض قضا کر لیں۔

واللہ و رسولہ اعلم بالصواب۔

مفتی: عبدالقیوم ہزاروی

تاریخ اشاعت: 2014-02-05


Your Comments