خواب میں‌ دکان میں پیسے دیکھنے کی کیا تعبیر ہے؟

سوال نمبر:2944
محترم جناب السلام علیکم میں نے خواب دیکھا کہ میں اپنے والد کی دکان پر کسی کام سے کھڑا ہوں اور میرے ہاتھ سے کوئی چیز گرتی ہے اور میں اسے اٹھانے کے لئے جھکتا ہوں تو دیکھتا ہوں کہ دکان کے تھڑے کے نیچے جو نالی بہہ رہی ہے اس میں بہت سارے نوٹ پڑے ہیں۔ بلکہ بنڈل کے بنڈل پڑے ہیں اور میں ان سب بنڈلوں کو اٹھا رہا ہوں اور کہتا جا رہا ہوں کہ ارے یہاں تو بہت سارے پیسے پڑے ہوئے ہیں۔ یہاں پر یہ بات نوٹ کریں کہ میرے والد کی دکان بہت عرصہ پہلے بند ہو چکی ہےاور میں خود 5 سال تک ابو ظہبی میں جاب کرتا رہا ہوں لیکن کسی وجہ سے میرے وہ جاب ختم ہو گئی اور آج کل میں کسی اچھی جاب کی تلاش میں ہوں۔

  • سائل: ارشاد احمدمقام: ملتان، پاکستان
  • تاریخ اشاعت: 18 نومبر 2013ء

زمرہ: خواب اور بشارات

جواب:

خواب میں پیسے دیکھنے کی مختلف تعبیریں ہیں آپ کے خواب کی تعبیر جو ہماری سمجھ میں آئی ہے وہ یہ کہ آپ کوئی کاروبار شروع کریں جاب کے بجائے۔ اللہ تعالی آپ کو کامیاب کرے۔ لیکن کاروبار کے لیے اچھی طرح سوچ سمجھ کر کہیں سرمایہ لگانا۔

واللہ و رسولہ اعلم بالصواب۔

مفتی: عبدالقیوم ہزاروی

اہم سوالات
  • بٹ کوئن کی ٹریڈنگ کا کیا حکم ہے؟
  • قطع تعلقی کرنے والے رشتے داروں سے صلہ رحمی کا کیا حکم ہے؟
  • مزارات پر پھول چڑھانے اور چراغاں کرنے کا کیا حکم ہے؟