لڑکے اور لڑکی کے لئے شادی کا مناسب اور شرعی طریقہ کیا ہے؟

سوال نمبر:2791
السلام علیکم میرا سوال یہ ہے کہ لڑکے اور لڑکی کے لئے شادی کا مناسب اور شرعی طریقہ بتائیں۔ بعض لوگ جاب نہ ملنے کی وجہ سے شادی نہیں کرتے۔ شرعی طور پر ایسے لوگوں کے لیے کیا حکم ہے؟

  • سائل: صدیق راجہمقام: فتح جنگ
  • تاریخ اشاعت: 09 ستمبر 2013ء

زمرہ: نکاح

جواب:

شادی کرنے والے کے لیے ضروری ہے کہ وہ اپنی بیوی کے جسمانی اور مالی حقوق پورے کر سکتا ہو، اگر نہیں کر سکتا تو شادی نہ کرے۔ جسمانی حقوق پورے کرنے کی صلاحیت نہ رکھنے کی صورت میں تو شادی کرنا حرام ہے اور اگر کوئی جسمانی طور پر حقوق پورے کرنے کی بھرپور صلاحیت رکھتا ہو لیکن ابھی مالی طور پر اس قابل نہ ہو کہ بیوی کے مالی حقوق پورے کر سکے تو اس کے لیے حکم ہے کہ وہ روزے رکھے، اس وقت تک شادی نہ کرے جب تک وہ لڑکی کا مالی طور پر خرچ اٹھانے کی صلاحیت نہ رکھتا ہو، اسے روزگار نہ مل جائے یا اپنے پاؤں پر کھڑے نہ ہو جائے، بہتر ہے شادی نہ کی جائے۔ دوسری طرف یہ بھی خیال رکھنا ہے کہ گناہ سے بچنے کی خاطر ساتھ روزے رکھے جائیں۔ لہذا جو حقوق پورے کرنے کی صلاحیت نہ رکھتا ہو اس کو شادی نہیں کرنی چاہیے جب تک حقوق پورے کرنے کے قابل نہ ہو جائے۔

واللہ و رسولہ اعلم بالصواب۔

مفتی: عبدالقیوم ہزاروی

اہم سوالات
  • بٹ کوئن کی ٹریڈنگ کا کیا حکم ہے؟
  • کاروباری شراکت کے اسلامی اصول کیا ہیں؟
  • قطع تعلقی کرنے والے رشتے داروں سے صلہ رحمی کا کیا حکم ہے؟