Fatwa Online Durood-e-Minhaj
Home Latest Questions Most Visited Ask Scholar
   
فتویٰ آن لائن - جن تک اللہ کا پیغام نہ پہنچا ہو ایسے لوگوں کے بارے میں‌ کیا حکم ہے؟

جن تک اللہ کا پیغام نہ پہنچا ہو ایسے لوگوں کے بارے میں‌ کیا حکم ہے؟

موضوع: متفرق مسائل

سوال پوچھنے والے کا نام: سمیرا       مقام: یو ایس اے

سوال نمبر 2608:
السلام علیکم میرا سوال یہ ہے کہ کیا جن لوگوں‌ تک اللہ کا پیغام نہیں پہنچتا ہے ان کے بارے میں قرآن و احادیث میں‌ کیا حکم ہے اور وہ کون لوگ ہیں جو یہ کہہ سکتے ہیں‌ کہ ہم تک اللہ کا پیغام نہیں پہنچا ہے۔ کیا وہ لوگ بغیر حساب کتاب کے جنت میں‌ جائیں گے؟

جواب:

آج کل تو ہمارے خیال میں کوئی ایسا علاقہ نہیں ہے۔ اگر ہے تو اس علاقہ کے لوگوں پر شریعت لاگو نہیں ہو گی لیکن ایک خدا پر ایمان لانا ضروری ہے، یعنی وہ حکم شرعی کے مکلف نہیں ہونگے۔ لیکن ایک اللہ پر ایمان لانے کے مکلف ہونگے کیونکہ یہ عقلی مسئلہ ہے۔ اس کے علاوہ ناحق قتل کرنا، چوری کرنا اور جھوٹ بولنا وغیرہ سب امور جو فطری طور پر انسانی عقل میں پائے جاتے ہیں کے بارے میں ان سے پوچھا جائے گا۔

لہذا جن لوگوں تک اللہ تعالی کا پیغام نہیں پہنچ پائے گا ان سے شرعی مسائل کا حساب نہیں ہو گا بلکہ صرف عقلی مسائل کا حساب ہو گا۔ جن کی بنا پر وہ جنت یا جہنم میں جائیں گے۔

واللہ و رسولہ اعلم بالصواب۔

مفتی: عبدالقیوم ہزاروی

تاریخ اشاعت: 2013-08-24


Your Comments