Fatwa Online Durood-e-Minhaj
Home Latest Questions Most Visited Ask Scholar
   
فتویٰ آن لائن - کون سے لوگ صدقہ کی رقم کے حقدار ہوتے ہیں؟

کون سے لوگ صدقہ کی رقم کے حقدار ہوتے ہیں؟

موضوع: صدقات

سوال پوچھنے والے کا نام: رضوان احمد       مقام: اسلام آباد، پاکستان

سوال نمبر 2411:
السلام علیکم میرا سوال یہ ہے کہ میں نوکری پیشہ آدمی ہوں، تنخواہ اکثر لیٹ ہی ملتی ہے، بمشکل اپنے گھر کا خرچ اٹھا پاتا ہوں، مقروض بھی ہوں۔ ایسے حالات میں میرے ایک دوست نے کچھ پیسے صدقے کی نیت سے کسی کو دینے کے لیے مجھے دیئے۔ کیا میں اس دوست کی شرمندگی سے بچنے کے لیے اسے بتائے بغیر وہ رقم استعمال کر سکتا ہوں؟

جواب:

اگر اس دوست نے آپ کو صرف یہ کہا ہے کہ یہ کسی غریب کو دے دینا پھر تو آپ استعمال کر سکتے ہیں، کیونکہ آپ بھی غریب اور حقدار ہیں۔ دوسری صورت یہ ہے کہ اس نے آپ کو کہا ہو کہ فلاں بندے کو دینے ہیں آپ دے دینا، پھر آپ خود استعمال نہیں کر سکتے، اسی بندے کو دیں گے جس کے لیے اس نے تعین کر دیا ہے۔

واللہ و رسولہ اعلم بالصواب۔

مفتی: عبدالقیوم ہزاروی

تاریخ اشاعت: 2013-03-13


Your Comments