Fatwa Online Durood-e-Minhaj
Home Latest Questions Most Visited Ask Scholar
   
فتویٰ آن لائن - اسلام میں فحاشی کی سزا کیا ہے؟

اسلام میں فحاشی کی سزا کیا ہے؟

موضوع: جدید فقہی مسائل

سوال پوچھنے والے کا نام: محمد علی       مقام: فیصل آباد، پاکستان

سوال نمبر 2201:
السلام علیکم میرا سوال یہ ہے کہ انٹرنیٹ پر گندی اور ننگی تصویریں دیکھنے کے بارے میں اسلام میں کیا سزا ہے؟

جواب:

انٹرنیٹ پر گندی اور ننگی تصویریں دیکھنا بے حیائی اور برا کام ہے۔ جبکہ اللہ تعالی نے ایسے کاموں سے منع فرمایا ہے۔ قرآن مجید میں ہے:

إِنَّ اللّهَ يَأْمُرُ بِالْعَدْلِ وَالْإِحْسَانِ وَإِيتَاءِ ذِي الْقُرْبَى وَيَنْهَى عَنِ الْفَحْشَاءِ وَالْمُنكَرِ وَالْبَغْيِ يَعِظُكُمْ لَعَلَّكُمْ تَذَكَّرُونَ.

(النَّحْل ، 16 : 90)

بیشک اللہ (ہر ایک کے ساتھ) عدل اور احسان کا حکم فرماتا ہے اور قرابت داروں کو دیتے رہنے کا اور بے حیائی اور برے کاموں اور سرکشی و نافرمانی سے منع فرماتا ہے، وہ تمہیں نصیحت فرماتا ہے تاکہ تم خوب یاد رکھو۔

جس طرح اللہ تعالی کے دیگر احکام ہیں اسی طرح یہ بھی حکم ہے۔ شرعی طور پر اس کی کوئی سزا مقرر نہیں ہے۔ گناہ ضرور ہو گا۔ جس طرح کوئی نماز نہ پڑھے وہ گنہگار تو ضرور ہوتا ہے لیکن اس کے لیے کوئی سزا مقرر نہیں ہے۔ گورنمنٹ اس برائی کو روکنے کے لیے اقدمات کرے ورنہ مغرب کی طرح ہماری بھی معاشرتی اخلاقیات تباہ ہو کر رہ جائیں گی اور ہر مسلمان کا بھی اخلاقی فرض بنتا ہے کہ ایسے چینلز اور ویب سائیٹس کا استعمال مت کریں۔

مزید مطالعہ کے لیے یہاں کلک کریں
کیا فیس بک اور اس جیسی دیگر ویب سائٹس، جہاں غیر اخلاقی مواد پایا جائے، کا استعمال جائز ہے؟

واللہ و رسولہ اعلم بالصواب۔

مفتی: محمد شبیر قادری

تاریخ اشاعت: 2012-10-11


Your Comments