Fatwa Online Durood-e-Minhaj
Home Latest Questions Most Visited Ask Scholar
   
فتویٰ آن لائن - کیا امام مسجد مصلےٰ امامت پر کھڑے ہو کر سنت قبلہ یا بعدہ پڑھ سکتا ہے؟

کیا امام مسجد مصلےٰ امامت پر کھڑے ہو کر سنت قبلہ یا بعدہ پڑھ سکتا ہے؟

موضوع: زکوۃ  |  نماز کی سنتیں   |  امامت

سوال پوچھنے والے کا نام: محمد صفدر علی       مقام: کراچی

سوال نمبر 1538:
کیا “امام مسجد“ اپنے “مصلےٰ امامت“ پر کھڑے ہو کر سنت قبلہ یا بعدہ پڑھ سکتا ہے؟ کچھ لوگوں‌نے امام پر اعتراض‌ کیا کہ امام صرف فرض‌ پڑھانے کیلئے مصلےٰ‌ امامت پہ کھڑا ہو۔ سنتیں‌ وہاں‌ نہ پڑھے ہاں‌اگر پیچھے جگہ نہ ہو تب مصلےٰ‌پہ سنتیں‌پڑھے۔ کیا یہ اعتراض‌درست ہے اور امام کے مصلےٰ‌ پر سنتیں‌ ادا کرنے کی شرعی حیثیت کیا ہے؟ جواب عنایت فرما کر عند اللہ ماجور ہوں۔

جواب:

جی ہاں امام اپنے مصلہ امامت پر کھڑے ہو کر سنت قبلیہ یا بعدیہ پڑھ سکتا ہے، شرعا اس میں کوئی حرج نہیں ہے۔ پچھلی صفوں میں جگہ ہو یا نہ ہو امام سنتیں مصلہ امامت پر پڑھ سکتا ہے، اس کو ناجائز سمجھنے والوں سے دلیل مانگیں، یہ اعتراض غلط ہے۔

البتہ شریعت میں فرائض کے علاوہ دوسری نمازیں، سنتیں نوافل وغیرہ گھروں کے اندر پڑھنے کا حکم ہے، اس میں حکمت یہ ہے کہ گھر میں عبادت کا ماحول بنا رہے اور اہل خانہ میں بھی نماز کی ترغیب پیدا ہو، لیکن اب ہر شخص بہت مصروف ہو گیا ہےم ہر وقت سفر میں ہی رہتا ہے، اس لئے مسجد میں سنتیں ادا کی جاتی ہیں کہ کہیں ایسا نہ ہو کہ رہ جائیں، شریعت کے مطابق افضل یہ ہے کہ سنتیں اور نوافل گھر میں پڑھی جائیں اور فرائض مسجد میں اگر کوئی سنتیں اور نوافل بھی مسجد میں ادا کرے تو اس میں کوئی حرج نہیں ہے۔

واللہ و رسولہ اعلم بالصواب۔

مفتی: حافظ محمد اشتیاق الازہری

تاریخ اشاعت: 2012-03-14


Your Comments