خانہ کعبہ اور گنبد خضری پر پہلی نظر پڑتے ہی کیا مانگا جائے؟

سوال نمبر:1531
السلام علیکم میں‌ نے سعودی عرب جانا ہے، خانہ کعبہ اور گنبد خضری پر پہلی نظر پڑتے ہی کیا مانگوں، کیا عرض کروں، میں بہت کشمکش میں ہوں، میری راہنمائی فرمائیں۔

  • سائل: حسین مقصودمقام: فیصل آباد، پاکستان
  • تاریخ اشاعت: 14 مارچ 2012ء

زمرہ: فضائل حرمین الشریفین

جواب:

آپ کو جو دعائیں آتی ہیں، آپ یہ تصور کر کے مانگیں کہ میں ایک گناہگار بندہ ہوں، اپنے کریم آقا ومولی کی بارگاہ حاضر ہوں، وہاں جا کر ندامت کے آنسو بہائیں، نہایت عجز و انکساری کے ساتھ، آپ دنیا وآخرت دونوں کی بھلائی کی دعا مانگیں جو اللہ تعالی نے ہمیں قرآن مجید میں سکھائی ہے۔

رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ

(الْبَقَرَة ، 2 : 201)

اے ہمارے پروردگار! ہمیں دنیا میں (بھی) بھلائی عطا فرما اور آخرت میں (بھی) بھلائی سے نواز اور ہمیں دوزخ کے عذاب سے محفوظ رکھo

حضور علیہ الصلاۃ والسلام پر کثرت سے درود و سلام پڑھیں، اور کثرت کے ساتھ توبہ واستغفار کریں۔

واللہ و رسولہ اعلم بالصواب۔

مفتی: حافظ محمد اشتیاق الازہری

اہم سوالات
  • بٹ کوئن کی ٹریڈنگ کا کیا حکم ہے؟
  • قطع تعلقی کرنے والے رشتے داروں سے صلہ رحمی کا کیا حکم ہے؟
  • مزارات پر پھول چڑھانے اور چراغاں کرنے کا کیا حکم ہے؟