Fatwa Online Durood-e-Minhaj
Home Latest Questions Most Visited Ask Scholar
   
فتویٰ آن لائن - کیا شرکت کے بعد مشارک کو مجبور کرنا جائز ہے؟

کیا شرکت کے بعد مشارک کو مجبور کرنا جائز ہے؟

موضوع: خریدو فروخت (بیع و شراء، تجارت)   |  شراکت

سوال پوچھنے والے کا نام: محمد فردوس       مقام: پاکستان

سوال نمبر 1509:
السلام علیکم ورحمۃ اللہ وبرکاتہ ایک کمپنی کسی شخص کے ساتھ شرکت کا معاملہ کرتی اور شرکت کے ختم ہونے کے بعد اس کو اپنے حصے کو اپنے اراکین میں‌ سے کسی ایک کے ہاتھ فروخت کرنے یا اس کی قیمت چار مہینے کی مدت تک کے ادھار پر بیچنے پر مجبور کرتی ہے کیا شرکت کے بعد اس مشارک کو اس طرح مجبور کرنا جائز ہے؟

جواب:

ایسا کرنا جائز نہیں ہے، مشارکت میں کسی کو مجبور نہیں کیا جا سکتا۔ مشارکت میں جو بھی معاہدہ کیا گیا، جونہی شراکت کا معائدہ ختم ہو جائے تو پھر ایک شریک دوسرے کو مجبور نہیں کر سکتا۔ البتہ اگر وہ چاہیں تو دوبارہ نیا معائدہ کر سکتے ہیں یا اگر دوسرا چاہے تو اپنی مرضی سے اسے مال دے سکتا ہے۔ البتہ اسے مجبور نہیں کیا جا سکتا۔ یہ ظلم ہے اور دوسرے کا مال ناحق اور باطل طریقے سے غضب کرنا ہے، جو کہ اسلام میں حرام ہے۔ اللہ تعالی نے فرمایا :

وَلاَ تَأْكُلُواْ أَمْوَالَكُم بَيْنَكُم بِالْبَاطِلِ

البقرة : 188

اور تم ایک دوسرے کے مال آپس میں ناحق نہ کھایا کرو

يَا أَيُّهَا الَّذِينَ آمَنُواْ لاَ تَأْكُلُواْ أَمْوَالَكُمْ بَيْنَكُمْ بِالْبَاطِلِ إِلاَّ أَن تَكُونَ تِجَارَةً عَن تَرَاضٍ مِّنكُمْ

سورة النساء : 29

 اے ایمان والو! تم ایک دوسرے کا مال آپس میں ناحق طریقے سے نہ کھاؤ سوائے اس کے کہ تمہاری باہمی رضا مندی سے کوئی تجارت ہو۔

واللہ و رسولہ اعلم بالصواب۔

مفتی: حافظ محمد اشتیاق الازہری

تاریخ اشاعت: 2012-03-14


Your Comments