Fatwa Online

گروی مکان کرایہ پر دینا کیسا ہے؟

سوال نمبر:827

گروی مکان لے کر کرایہ پر دینا کیسا ہے اور اس کاروبار کی شرعی حثیت کیا ہے؟ راہنمایی فرما دیں۔

سوال پوچھنے والے کا نام: فاروق بشیر

  • مقام: لاہور، پاکستان
  • تاریخ اشاعت: 28 مارچ 2011ء

موضوع:رہن  |  سود

جواب:
حدیث پاک ہے

کل قرضٍ جَرَّ نَفعَةً فهو ربا.

ہر وہ قرض جو ساتھ نفع دے وہ سود ہے۔

گروی کا مطلب بھی یہ ہے کہ ایک شخص کو رقم کی ضرورت ہے تو وہ اپنی چیز کو اعتماد کے لیے دوسرے کے پاس رکھتا ہے اور وہ شخص کچھ مدت کے لیے اسے رقم دیتا ہے۔ جب یہ رقم واپس کرے گا وہ شخص متعلقہ چیز واپس دے گا۔ مثلاً مکان، سونا اور جائیداد وغیرہ۔

اب اس مکان سے فائدہ حاصل کرنا یہ سود ہے اس لیے کہ یہ قرض کے بدلے بطور امانت آپکے پاس ہے۔

البتہ اگر آپ مالک مکان کو کچھ ماہانہ کرایہ دیتے ہو چاہے وہ عرف سے کم بھی ہو تو اس وقت جائز ہے لیکن مالک مکان کو راضی کرے تو یہ بہتر صورت ہے۔ مکان کی حفاظت آپ پر لازم ہے اس لیے کہ یہ آپ کے پاس امانت ہے۔

واللہ و رسولہ اعلم بالصواب۔

مفتی:صاحبزادہ بدر عالم جان

Print Date : 01 December, 2022 09:37:27 PM

Taken From : https://www.thefatwa.com/urdu/questionID/827/