بے اختیاری حالت میں دی گئی طلاق کا حکم؟

سوال نمبر:6183

میرا نکاح 17 اپریل 2023 کو ہوا تھا، اور رخصتی 11 جولائی 2023 کو ہونا تھی۔ نکاح کے کچھ عرصے بعد میری حالت بہت خراب رہنے لگی، میں اداسی اور الجھن میں رہنے لگا۔ رخصتی کی تاریخ قریب آئی تو میں نے رخصتی کو موخر کرنے کا کہا لیکن گھر والوں نے تاریخ کو آگے بڑھانے سے انکار کر دیا۔ رخصتی سے ایک دن پہلے بھی میری یہی حالت رہی، جس پر سسرال والوں نے ایک طلاق نامہ تیار کروایا اور مجھ سے اس پر دستخط کروالیے، اور دوسرے ہی دن لڑکی کی رخصتی کسی اور لڑکے کے ساتھ کر دی، جس کا نام یاسر خان ہے۔ جب میں نے دارالعلوم سے فتویٰ لیا تو انہوں نے بتایا کہ میری حالت کے پیش نظر میری طرف سے طلاق واقع نہیں ہوئی تھی۔ اور اس وجہ سے پھر دوسرے لڑکے (یاسر) نے بھی لڑکی کو چھوڑ دیا۔ اس طلاق نامے میں یہ بھی لکھا ہے کہ لڑکی کا دوسرا نکاح باطل تھا۔ اب میں اس لڑکی کو دوبارہ اپنے نکاح میں رکھنا چاہتا ہوں۔ آپ براہِ کرم مجھے شریعت کے مطابق طریقہ بتائیں کہ میں کس طرح اُسے واپس نکاح میں لا سکتا ہوں؟ کیا ایسی حالت میں میری طلاق واقع ہوئی تھی یا نہیں؟ کیا 21 اگست کو جس دن دوسرے لڑکے نے چھوڑا، اس کے بعد لڑکی عدّت کرے گی؟ اور میں شریعت کے مطابق کس طریقے سے اُسے واپس لا سکتا ہوں؟

سوال پوچھنے والے کا نام: Rutab Ahmed Qureshi

• مقام: pakistan hyderabad sindh
• تاریخ اشاعت: 12 مئی 2025ء

موضوع:بغیر زمرہ  |  طلاق

جواب:

جواب: اگر طلاق نامہ پر دستخط کرتے وقت آپ کی سمجھ بوجھ قائم نہیں تھی اور آپ کو واقعی معلوم نہیں تھا کہ طلاق پر دستخط کروا رہے ہیں تو ایسی صورت میں دی گئی طلاق واقع نہیں ہوئی۔

جیسا کہ ارشادِ نبوی ﷺ سے ثابت ہے:

بچہ سمجھدار ہونے تک، سونے والا بیدار ہونے تک اور مجنوں عقلمند ہونے تک شریعت کے مکلف نہیں ہوتا۔

1. أحمد بن حنبل، المسند، ١: ١١٨، الرقم: ٩٥٦، مصر: مؤسسة قرطبة.

2. أبي داود، السنن، كتاب الحدود، باب في المجنون يسرق أو يصيب حدا، ٤: ١٤١، الرقم: ٤٤٠٣، بیروت: دار الفكر.

3. الترمذي، السنن، كتاب الحدود، باب ما جاء فيمن لا يجب عليه الحد، ٤: ٣٢، الرقم: ١٤٢٣، بیروت، لبنان: دار احیاء التراث العربي.

1. أحمد بن حنبل، المسند، ٦: ١٤٤، الرقم: ٢٥١٥٧

2. أبي داود، السنن، كتاب الحدود، باب في المجنون يسرق أو يصيب حدا، ٤: ١٣٩، الرقم: ٤٣٩٨

3. ابن ماجه، السنن، كتاب الطلاق، باب طلاق المعتوه والصغير والنائم، ١: ٦٥٨، الرقم: ٢٠٤١، بیروت: دار الفكر

مذکورہ بالا احادیث مبارکہ کو چند الفاظ کی تبدیلی کے ساتھ محدثین کی کثیر تعداد نے نقل کیا ہے۔ امام بخاری رحمہ ﷲ ترجمۃ الباب میں حضرت ابن عباس رضی اللہ عنہ کا ایک قول نقل کرتے ہیں:

4. البخاري، الصحیح، كتاب الطلاق، باب الطلاق في الإغلاق والكره والسكران والمجنون، ٥: ٢٠١٨، بیروت، لبنان: دار ابن كثیر الیمامة

فقہاء کرام کے نزدیک جنون میں دی جانے والی طلاق کی حیثیت درج ذیل ہے:

5. ابن نجیم الحنفی، البحرالرائق، ٣: ٢٦٨، بیروت: دارالمعرفة.

یعنی مجنوں ایسے شخص کو کہا جاتا ہے جس کی عقل میں مکمل خلل واقع ہو، اور اس میں وہ افراد شامل ہیں جو بیہوش، مدہوش یا سرسام کے مرض میں مبتلا ہوں۔ اور معتوہ وہ شخص ہے جس کی عقل کمزور ہو، بات چیت میں الجھن ہو، فہم و تدبیر میں خرابی ہو، لیکن وہ دوسروں کو مارتا یا گالیاں نہیں دیتا، جبکہ مجنون میں یہ افعال پائے جا سکتے ہیں۔ اس فقہی تفریق کا اثر احکامِ شریعت جیسے کہ عبادات، معاملات اور حدود کے اطلاق پر ہوتا ہے، کیونکہ عقل کی کمی یا خرابی احکامِ شرعیہ کی ذمہ داری کے سقوط یا تخفیف کا باعث بنتی ہے۔

نہیں۔‘‘

6. ابن عابدین، ردالمحتار، ٣: ٢٤٤، بیروت: دارالفكرللطباعةوالنشر

7. الكاساني، بدائع الصنائع، ٣: ١٠٠، بیروت: دار الكتاب العربي

8. المرغیناني، الهدایة شرح البداية، ٤: ١٨٨، المكتبة الإسلامیة

اس صورت میں دستخط کروا لینے سے طلاق واقع نہیں ہوئی، لہذا یاسر خان سے کیا ہوا نکاح سرے سے منعقد نہیں ہوا۔

کیونکہ ارشاد باری تعالٰی ہے:

(النساء، 4: 24)

لہذا یاسر خان کے ساتھ نکاح باطل شمار کیا جائے گا اور باطل نکاح کے بعد نہ تو طلاق ہوتی ہے نہ ہی عدت کی ضرورت ہوتی ہے۔

لیکن اگر جسمانی تعلق قائم ہوا ہے تو احتیاطاً عدت پوری کرلیں تاکہ رحم کا خالی ہونا بھی معلوم ہوجائے اور دیگر حکمتیں بھی پوری ہو جائیں۔ اس طرح آپ اسے بغیر نکاح کے واپس لا سکتے ہیں۔

مذکورہ بالا کے برعکس اگر آپ طلاق دیتے وقت عقل و شعور میں تھے تو ایسی صورت میں آپ کے دستخط کرنے سے طلاق واقع ہوگئی تھی۔ اور آپ کا نکاح ختم ہو گیا تھا۔ اور اس صورت میں یاسر خان کا نکاح جائز تھا کیونکہ خلوتِ صحیحہ (رخصتی) سے پہلے طلاق دینے سے مطلقہ پر عدت واجب نہیں ہوتی۔ جیسا کہ ارشاد باری تعالٰی ہے:

(الاحزاب، 33: 49)

خلاصہ کلام:

پہلی صورت میں سرے سے طلاق واقع نہیں ہوئی اس لیے دوبارہ نکاح کیے بغیر آپ اسے واپس لا سکتے ہیں۔

دوسری صورت میں واپس لانے کے لیے عدت کے بعد دوبارہ نکاح کرنا لازم ہے۔

واللہ و رسولہ اعلم بالصواب۔

مفتی:محمد شبیر قادری

Print Date : 21 June, 2025 01:59:59 PM

Taken From : https://www.thefatwa.com/urdu/questionID/6183/