لڑکا اگر پہلی شادی کو چھپا کر دوسرا نکاح کرے تو کیا حکم ہے؟
سوال نمبر:5429
اگر کوئی لڑکا دوسرے نکاح کے وقت نکاح نامے پہ اپنے آپ کو غیرشادی شدہ لکھوئے تو کیا نکاح قائم ہو جائے گا؟ کیا اس سے پہلے نکاح پر کوئی فرق پڑے گا؟
سوال پوچھنے والے کا نام: سونیا مدسر
- مقام: پاکستان
- تاریخ اشاعت: 27 جون 2019ء
موضوع:نکاح
جواب:
پہلی شادی کو چھپا کر دوسرا نکاح کرنے والے مرد کا دوسرا نکاح منعقد تو ہو جائے گا اور نکاح نامے پر خود کو غیر شادی شدہ لکھوانے سے پہلا نکاح بھی ختم نہیں ہوگا۔ لیکن یہ عمل جھوٹ، دھوکے اور فراڈ پر مبنی ہونے کی وجہ سے ازدواجی رشتوں کے لیے زہرِ قاتل ہے۔ اس سے رشتوں کی پائیداری ختم ہو سکتی ہے اور قانوناً یہ عمل جرم بھی ہے۔
واللہ و رسولہ اعلم بالصواب۔