Fatwa Online

مسلمان عورتوں کا سِندور لگانا کیسا ہے؟

سوال نمبر:5428

مسلمان عورتوں کا سیندور لگانا کیسا ہے؟

سوال پوچھنے والے کا نام: محمد ارشد خان

  • مقام: لکھنو، ہندوستان
  • تاریخ اشاعت: 01 مئی 2019ء

موضوع:معاشرت

جواب:

عورتوں کے لیے زینت اختیا رکرنا بلاشبہ جائز ہے، مگر غیرمسلم اقوام کی خاص مذہبی علامات کی نقالی کرنا یا ان کا طریقہ اختیار کرنا درست نہیں۔حضرت عبداللہ بن عمر رضی اللہ عنہ سے روایت ہے کہ رسول اللہ صلی اللہ علیہ وآلہ وسلم نے فرمایا:

من تشبه بقوم فهو منهم.

جس نے کسی قوم کی مشابہت اختیار کی وہ اسی میں سے ہے۔

سنن أبي داؤد، کتاب اللباس، باب في لبس الشهرة، 2: 559، رقم: 4031،

سندور ہندو قوم کا مذہبی شعار ہے، ہندؤوں کے ہاں مختلف مذہبی رسومات کی ادائیگی اور شادی و پوجا کے وقت سندور کا استعمال کیا جاتاہے۔ سندور لگانا کیونکہ ہندؤوں کا مخصوص اور مذہبی عمل ہے، اس لیے مسلمان عورتوں کے لئے سِندور لگانا جائز نہیں۔

واللہ و رسولہ اعلم بالصواب۔

Print Date : 24 August, 2019 11:05:06 AM

Taken From : http://www.thefatwa.com/urdu/questionID/5428/