کیا عمرہ کی ادائیگی کے دوران مادری زبان میں دعا مانگی جاسکتی ہے؟
سوال نمبر:5147
السلام علیکم مفتی صا حب! ان پڑھ آدمی عمرے کے لئے جانا چاہتا ہے مگر مسنون دعائیں پڑھنے سے قاصر ہے۔ اس صورت میں کیا حکم ہے؟
سوال پوچھنے والے کا نام: محمد علی طاہر
- مقام: گوجر خان
- تاریخ اشاعت: 01 دسمبر 2018ء
موضوع:عمرہ کے احکام و مسائل
جواب:
ایسا شخص اپنے گروپ یا گائیڈ کے ساتھ میقات سے احرام پہنے، حرم میں طواف و سعی کرے، اگر دعائیں عربی زبان میں یاد نہیں ہیں تو اپنی مادری زبان میں دعا کر لے۔ عربی دعائیں عمرہ کی ادائیگی کی شرط نہیں ہیں۔ تاہم قرآنی و مسنون دعائیں ہر مسلمان کو یاد کرنے کی کوشش کرنی چاہیے۔
واللہ و رسولہ اعلم بالصواب۔