طواف کے چار چکروں کے بعد وضو میں شک ہو جائے تو کیا حکم ہے؟
سوال نمبر:5078
السلام علیکم! حج کے آخر میں طواف وداع کے دوران پہلے چار چکروں کے بعد وضو میں شک پڑھ گیا کہ وضو نہیں ہے پھر دل میں خیال آیا کہ وضو ہے۔ اسی کیفیت میں باقی چکر بھی مکمل کیے یعنی سات چکر پورے کر دیے۔ کیا طواف درست ہے؟
سوال پوچھنے والے کا نام: عمران احمد
- مقام: سعودی عرب
- تاریخ اشاعت: 12 اکتوبر 2018ء
موضوع:طواف | وضوء
جواب:
اگر دورانِ طواف چار چکروں کے بعد وضو میں شک ہوا یا وضو ٹوٹ گیا تو دوبارہ وضو کر کے بقایا چکر مکمل کیے جائیں گے اور سات پورے ہوں گے۔ اس کے برعکس اگر چار چکروں سے پہلے وضو مشکوک ہوگیا دوبارہ وضو کر کے نئے سرے سے طوف شروع کیا جائے گا۔
واللہ و رسولہ اعلم بالصواب۔