Fatwa Online

مَنی ایکسچینج سے رقم لینے کیلئے ایجنٹ کی خدمات حاصل کرنا جائز ہے؟

سوال نمبر:4715

السلام علیکم مفتی صاحب! میں کچھ ویب سائٹس پر آرٹیکلز لکھتا ہوں جس کے لیے وہ مجھے اعزازیہ دیتے ہیں۔ یہ ویب سائٹس کیونکہ برطانیہ اور امریکہ وغیرہ کی ہیں‌ تو وہ پیسے بھیجنے کے لیے پےپال (PayPal)، ویب منی (WebMoney) وغیرہ کی سہولت استعمال کرتے ہیں۔ پے پال اور ویب منی میں رقم یونٹس کی صورت میں ہوتی ہے جسے بعد میں کرنسی سے بدل لیا جاتا ہے۔ مختلف ممالک میں ان کے رجسٹرڈ ایجنٹس ہوتے ہیں جو ان یونٹس کو کرنسی سے بدل دیتے ہیں۔ پاکستان میں پے پال وغیرہ کی سروس نہیں‌ ہے اس لیے میں ایجنٹس کو اپنے یونٹس بیچ کر اس سے رقم پاکستانی بینک میں‌ لے لیتا ہوں۔ کیا ایسا کرنا درست ہے؟

سوال پوچھنے والے کا نام: عاصم

  • مقام: لاہور
  • تاریخ اشاعت: 27 فروری 2018ء

موضوع:جدید فقہی مسائل

جواب:

اس میں‌ شرعاً کوئی قباحت نہیں۔ پاکستان میں‌ جن مَنی ایکسچینج کمپنیوں کی سروس نہیں‌ ہے (جیسے پے پال) اس سے رقم وصول کرنے کے لیے ایجنٹ‌ کی خدمات حاصل کرنا اور اسے اس کی اجرت دینا بھی شرعاً و قانوناً جائز ہے۔ جب قانوناً اس کی اجازت ہے تب تک شرعاً بھی کوئی ممانعت نہیں‌ ہے۔

واللہ و رسولہ اعلم بالصواب۔

مفتی:محمد شبیر قادری

Print Date : 19 November, 2019 11:25:31 AM

Taken From : https://www.thefatwa.com/urdu/questionID/4715/