Fatwa Online

کیا مسلمان کسی غیر مسلم کے ساتھ کھانا کھا سکتا ہے؟

سوال نمبر:3551

کیا مسلمان کسی غیرمسلم (ہندو، سکھ اور عیسائی وغیرہ) کا جوٹھا کھا یا پی سکتا ہے؟ ان کے برتن استعمال کر سکتا ہے؟ جبکہ وہ غیرمسلم کوئی حرام چیز نہیں کھاتا یا پیتا اور اگر وہ حرام چیزیں (شراب، سور) کھاتا ہو تو پھر کیا حکم ہے؟

سوال پوچھنے والے کا نام: محمد ہارون

  • مقام: لاہور
  • تاریخ اشاعت: 27 اکتوبر 2015ء

موضوع:معاشرت  |  خور و نوش

جواب:

کسی بھی غیرمسلم کے استعمال شدہ برتن دُھلنے کے بعد مسلمان کے لیے قابلِ استعمال ہوتے ہیں۔ اس کی مزید وضاحت کے لیے ملاحظہ کیجیے:

کیا غیر مسلم کے ہاتھوں‌ پکا ہوا گوشت کھانا جائز ہے؟

غیرمسلم کا جوٹھا کھانے کی مختلف صورتیں ہیں۔ ایک صورت یہ ہے کہ حرام کھانے جن کو کھانا ہمارے لیے جائز نہیں، وہ کسی بھی صورت میں نہیں کھائے جائیں گے۔ دوسری صورت یہ ہے کہ اگر غیرمسلم حلال کھانا کھا رہا ہو تو باوقار طریقے سے اس کے ساتھ بیٹھ کر کھانا کھا سکتے ہیں۔

واللہ و رسولہ اعلم بالصواب۔

مفتی:محمد شبیر قادری

Print Date : 11 July, 2020 02:24:18 AM

Taken From : https://www.thefatwa.com/urdu/questionID/3551/