Fatwa Online

کسی ملازم کا بروقت کام پر نہ آنے سے کیا اس کی کمائی حرام ہو گی؟

سوال نمبر:2993

السلام علیکم میرا سوال یہ ہے کہ کیا سرکاری استاد کی کمائی حرام ہو گی اگر وہ بچوں کو پڑھاتا ہے تو صحیح ہے مگر اکثر مجبوری کی وجہ دیر سے سکول جاتا ہے اور اس طرح کے کام ہیں؟

سوال پوچھنے والے کا نام: محمد آصف جاوید

  • مقام: فیصل آباد
  • تاریخ اشاعت: 10 جنوری 2014ء

موضوع:مالیات

جواب:

کسی بھی ادارے کے ساتھ آپ کا جتنے وقت کے لیے معاہدہ ہے اگر آپ اس کو اتنا وقت نہیں دیتے۔ اس کے قوانین کے مطابق نہیں چلتے تو وہ کمائی جائز نہیں ہو گی۔ چونکہ کوئی مجبوری ہو تو سرکاری ادارہ ہو یا پرائیویٹ سالانہ چھٹیاں ہوتی ہیں۔ اسی طرح کبھی کبھار کوئی کام پڑ جائے تو سربراہ ادارہ کو اطلاع کر کے کچھ وقت کے لیے جانے کی اجازت بھی ہوتی ہے لیکن مستقل ہی دیر سے آنا اور وقت سے پہلے ہی چلے جانے کی اجازت تو نہیں ہوتی۔ لہذا جو طے ہے اس کے مطابق ہی آنا جانا ضروری ہے، کم وقت دینا جائز نہیں ہے۔

واللہ و رسولہ اعلم بالصواب۔

مفتی:عبدالقیوم ہزاروی

Print Date : 22 October, 2020 01:49:10 AM

Taken From : https://www.thefatwa.com/urdu/questionID/2993/