Fatwa Online

مسجد کی تعمیر کے بعد قبلہ سمت کو کیسے درست کیا جا سکتا ہے؟

سوال نمبر:2120

محترم مفتی صاحب ! السلام علیکم مسجد کی تعمیر کے بعد جب اس کی قبلہ کی طرف سمت کو چیک کیا گیا تو مختلف ذرائع سے یہ بات معلوم ہوئی کہ اس میں تقریباً 23 ڈگری کا فرق ہے۔ اب قبلہ کی طرف سمت کا درست تعین ہو گیا ہے۔ اس بارے میں راہنمائی فرمائیں کہ جس رخ پر مسجد کی تعمیر ہو چکی ہے اسی طرح رخ رکھیں یا مسجد کو شہید کر کے دوبارہ سے تعمیر کی جائے؟ یا صرف قبلہ سمت کو صفوں کا رخ کر کے نماز ادا کی جاتی رہے؟

سوال پوچھنے والے کا نام: اکمل کندان

  • مقام: سرگودھا
  • تاریخ اشاعت: 15 ستمبر 2012ء

موضوع: مسجد کے احکام و آداب

جواب:

قبلہ کا رخ تعین ہو گیا ہے لہذا آپ کے لیے جو ممکن ہو آسان ہو وہ کر سکتے ہیں۔ اگر مسجد شہید کر کے دوبارہ تعمیر کر سکتے ہوں تو ایسا بھی کر سکتے ہیں ورنہ شہید کرنے کے بجائے جس طرح قبلہ کا رخ متعین ہوا ہے صفیں اس طرف کر لیں اور لکیریں لگا لیں۔

واللہ و رسولہ اعلم بالصواب۔

مفتی:حافظ محمد اشتیاق الازہری

Print Date : 10 August, 2020 03:53:15 AM

Taken From : https://www.thefatwa.com/urdu/questionID/2120/