Fatwa Online

کیا دوسری شادی کی صورت میں پہلے خاوند کے وراثت سے دوسرے خاوند کے بچوں کا حصہ ملے گیا؟

سوال نمبر:2020

اگر شوہر فوت ہو جائے اور اس کی اولاد نہ ہو، اور اس کی بیوی دوسری شادی کر لے، جس میں سے عورت کی اولاد ہے، کیا اس اولاد کا پہلے شوہر کی ملکیت میں‌ حق ہو گا؟ عورت فوت ہو چکی ہے تو اب وہ اس عورت کی جائیداد کس کو جائے گی؟

سوال پوچھنے والے کا نام: محمد رفیق جمالی

  • مقام: ٹنڈو اللہ یار، پاکستان
  • تاریخ اشاعت: 03 اگست 2012ء

موضوع:تقسیمِ وراثت

جواب:

عورت کی دوسری شادی کی اولاد کا پہلے شوہر کی ملکیت میں کوئی حق نہیں ہو گا۔ کیونکہ ان دونوں کے درمیان کوئی رشتہ نہیں ہے اور یہ ایک دوسرے کے لیے اجنبی ہیں لیکن عورت کو اپنے فوت شدہ خاوند کی ملکیت میں سے حق ملے گا۔

اگر عورت فوت ہو چکی ہے تو اس کے ورثاء میں اس کے ماں، باپ، خاوند اور اولاد ہیں۔ لہذا اس عورت کی جائیداد مذکورہ بالا ورثاء کو ملے گی۔

واللہ و رسولہ اعلم بالصواب۔

مفتی:حافظ محمد اشتیاق الازہری

Print Date : 17 September, 2021 11:03:41 AM

Taken From : https://www.thefatwa.com/urdu/questionID/2020/